Kay Código Monetario y Financiero kamachiy shukniki rimanakuypi, kamachiy killkakkunami IECE anchurichun yallita atinakurka, shinallatak kullkiyayta, kullkiwasita nikinata, shuklla kullki tantari tiyachun rimarkakuna.
Kamachiy killak Fabián Solano, Instituto de Crédito Educativo y Becas (IECE) tukurichun mana yuyaywan kanchu. 40 watatami malta runakunapak yachana mutsuyta chaskishpa llankamurka, kullkiwan mintalay, charikyay tukukta, kullkimirachik patata mana kunachu nirka. Yachaypak kullki tiyachun mañarka.
Shinallatak Galo Borja, Régimen Económico Minkashkata pushak, kullki tukuykunata yanapana yuyaytami charina kan nirka, 4 tantarita, nikinata anchuchishpa shuktak tantarita wiñachina hawa rimarka.
Kay kamachiy tukuyllapak kullkillikata mushukyachin nirka, tukuypak, yanapak kullki llikata mushukyachin nirka. Kawsaypak, mikunkapa, tawkakunapak kullkiwasi tiyachun nirka.
Hatun kullkikunata llankachina, kullkiwasikunata yanapana hawa rimarka, llaki tiyakpi anchuchina, llikata allichina, zirmata katishpa maruta rurana hawa yuyarirkakuna.
Shinalltak Rocío Albán kamachiy killkak, Código Monetario kamachiy Plan Nacional del Buen Vivir yuyaywan kimirin, ashtawanakarin kapuchik sapiwanmi kimirin nirka, chaymantami mushuk kullkiyayta yanapanka, achiklla kanka, tukuy Mamallaktapi kullkillika runakunapak shunkupi tiyarinka.
Mama kullkita niki, rikuy tiyanka, shina kullki wasipak llaki ama tiyachun llankanka.
Ramiro Aguilar, Código Monetario kamachiy kimsa sapi yuyayta charin: kulliyay, hatun kullkiwan llankay; kimsasami kullkikuna llankanka: dólar, Mamallakta anta, zirma kullki kay llaktapi purinka.
Kullkipak hatun llakimi, mama kullki kuyurichun kishpiyrishka ñanta paskashka. Estados Unidos llaktapi, Sudamérica llaktapi, kullki wasita mana harkakpimi shina llaki tiyashka nirka. Kaytaka “ashalla wawakullkiwan, suni pachapak kullkita mañachichun munanchik, shina tarpukkuna, paklla runakuna, makirurakkuna wiñarichun, Mamallaktapi kapukyachishpa, achiklla nikikunawan llankachun nirka”.
Kullki llaktayta rikuchun shuklla tantari tiyachun nirka, “mana shukta munanchikchu, Mamakamachiypak 308 nikita pakatachichun munanchik, chaypimi tukuyllapakmi kullkita nikishpa llankay tiyan nirka”.
Shinallatak Richard Calderón, Gobiernos Autónomos Minakashkata pushak, Código Monetario kamachiy, kullki llaktaymanta, mañachiymanta, kullkiyaymantanmi kan nirka, chaymi kullkita tikrachinkapa shuklla ñan tiyan nirka.
Mintalay payllatak allichirik churashka yuyayta anchuchin, kullki wakaychi, kullki churaywan kimirin nirka, charishkakunata tukuy llaktakuna pakta rakichun, yapa rimarka.
Shinallatak Vanesa Fajardo kullkiwan llankakta Mushuk kamachiy kaman nirka. Kullki shayarikta, ritiyakta mana rikushunchu, kullkiyuk wasikunata ukllankapa shuktak kullkita churana nirka; kullkiwan runakuna llankachun churarka.
Mamallakta yaykurichun kay kamachiy harkan, Luis Tapia Luis nirka; imashina, ima pachapi kullkita mañachinata riman. Kullkiwan llankayka rikunami mutsurin, shinapash imashina kullkita tikrachina kan nirka. Kullkiwan llankayka hatun kishpiyrimi mutsurin, Mamallaktami rikunata charin nirka.
Kay Junta Monetaria y Financiera kamaywasi paypak awllita charichun, Mamallakta nikinapi llankachun; kay llaktapi alli kullkika dólar kullkimi kan, shinallatak Luis Fernando Torres, Junta Regulatoria kamaywasiman yaykurishkakunata mana kamachiywan wanachina kanka.
Kipaka, Ximena Ponce kapukyachinaman tukuylla kullkita churanata rikuchirka, shukpaklla kullkiyuk wasimanta kullki mañachina, shukpaklla kullkiyuk wasika ista llaktapi 1. 248 hunu kullkitami charin.
Kay Código Monetario kamachiyka kullki mañachi tukuypaklla kachun nirka, Bancos Privados Tantari, kullkita mañachinkapa 10% patsakri churashka kullkiman urayachun mañarka.
Shinallatak Raúl Patiño, Carlos Bergman, Moisés Tacle, Linda Machuca, Leonardo Ortiz, María Soledad Vela kamachiy killkakkuna rimarka.
Kay atinakuyka Mamallakta Tantanakuyta kipa pushak Rosana Alvarado 13:30 pachata sakichirka, 15:00 sayllapi kutintak atinakuy kallarinka.
RSA/pv/jc-kichwa
