Kay mushuk Función Legislativa hatun kamachiy killa tukuriman ña kanka, shinami Participación Ciudadana minkashkata pushak, Johanna Cedeño rimarka, paymi kay llankayta pushakun. Sukta kamachiy killkak rikurimuy punchami shina rimarka, paykunami kay kamachiyta imamanta mushukyachina hawa rimankapa shamurka. Chay tantaripika, Gabriela Rivadeneira, Mamallakta Tantanakuyta pushak, Raúl Auquilla, Henry Cucalón, Mae Montaño, Wilson Chicaiza, Marisol Peñafiel kamachiy killkakkuna shamurka.
Tukuykunami kay kamachiyta mushukyachinata riman, chaywan kamachiyta killkanata, llankayta katinata allichinka. “Mushuk kamachiy tukuykuna yuyarishka, rikushka, killkashka kachun shuyani”, Johanna Cedeño yapa rimarka.
“kamachiwan llankanata mushuyachinami kan, shina kamaywasi mutsushkapi allita yanapanka, ima mutsurishkapi llankachun rikuchinka”, shinami Wilson Chicaiza rimarka. Kay kamachiy killkak 22 niki kipapi, Comisión de Fiscalización tiyachina nikita mirachina nirka, kay tantarika llaktay tantarimanta, kuyurikmanta shuk runa yaykurichunmi punkuta paskan.
Paymanta, Raúl Auquilla, shuk atinakuyta rurashka kipa kamachiykunata wakaychina hawa anchuchina nirka, shina shuk kamachiyta achkakutin rimankushka kipa arinina nirka. Kamachiyta mushukyachinata Comisión Especializada tantari pushanka, kamuta rikuchikka mana, shinallatak minkashka ishkayni atinakuypa rikuykunata churachun nirka. Kay yuyaywan Henry Cucalón, kamachiy killkak, kay llankayta minkashkakuna rikuykunata hapinka.
Kay Marisol Peñafiel kamachiy killkak, chay Presupuesto General del Estado kullki, Mamakamachiypi rimakushkata paktachichun riman, shinallatak kari, warmi wawakunata, imillakunata, pakta runakunata yanapachun nirka, shinami Unidad de Control de Ejecución del Presupuesto General del Estado tiyachun mañarka, shina kamachiy mañashkata mirachichun nirka. Kay kamachiy mañayta paktachichun, shina: Mamakamachiy, kamachiy rimashkata paktachichun; willayta chayachina, allita rukuna, yanapana, taripana, kamachiykuna arinina, llaktayta rimashkata kamaykuna.
Kay Mae Montaño kamachiy killkak, Mamallakta Tantanakuypak ukupi minkashkakunata rantinchina nirka, Hatun Tantaripi rimanakuyta allichina, imatalla Mamallakta Tantanakuypak Pushak llankanata rikuna nirka.
LM/pv/jc-kichwa
