Kay Función Legislativa kamachiy mushukyay 60% shuklla yuyayta charin, shinami Participación Ciudadana minkashkata pushak, Johanna Cedeño kamachiy killkak rimarka. Kunanmi shukniki, ishkayniki atinakuypak rimanakurka. Manarak kamachiyta arinshikata llaktakunapi tapuyka ashata samarishpa sakirirka.
Tawka hunkakunatami tantarishka pataku sinchi sapita allita rikurka, kay yuyaykunata kanchis kamachiy killkak mushuk yuyaykunata churashka sakirin. Yalli hatun yuyaymi, Gabriela Rivadeneira rimashka kan, shuktakkuna hawalla nikikunami kan, shinami Johanna Cedeño kamachiy killkak rimarka, payka minkashkata pushakmi kan. Shuktak mushuk kamachiykunaka Cynthia Viteri, Raúl Auquilla, Henry Cucalón, Mae Montaño, Wilson Chicaiza, Marisol Peñafiel kamachiy killkakkuna pushakushkami kan.
Kallari atinakuypa kamachiypak 60 nikita allichina riman. Tantarita pushak shuk killkamilkata mirachina riman “sapsi hayñita mana llakichina kakpimi shina rikuchin, kallari atinakuyta anchuchina rimanata. Sapan kamachiy killkakkunami chikan chikan yuyayta Hunta tantaripi churanka, llaktakunata tapuymanta surkushka yuyawan kanka.
Shinallatak Raúl Auquilla, Mae Montaño kamachiyta kallari atinakuypi ama sawsachun riman, Verónica Arias, ña anchuchishkatami, “Mamallakta Tantanakuymi uniyanka riman, kamachikkuna mana allita, kutsik llankanata harkanka nin”.
Ishkayniki atinakuyman Gabriela Rivadeneira, kay llankay pushak chaypilla rimanakuna 24:00 sayllata sakirichun mañakpika, tukuy minkashkakuna riksichichun sakirinka, kipaman paykuna rikuchun sakirinka. Tukuy minkashkakunawan ishkaykutin atirichun, apuchichik Hunta Tantariman churanka. Kay rimayta Raúl Auquilla minkashkakuna arinichun mañan.
Manarak kamachiyta arinishpa tapuy
Mama Gabriela Rivadeneira, manarak kamachiyta arinishpa tapuyman yaykunaka, minkashkakuna tawka rimanakuyta charishka kipa atinakuchun yuyachin, chayka: sapsikuna, ayllullaktakuna, llaktakuna, runallaktakuna yuyayta churashka kipa rikuchinka. Kay llankayka tawka markakunapimi pusharinka, kayka 26 puncha, aymuray killa,17:00 sayllapi Ibarra llaktapi kanka. Shamuk, awaki, 30 puncha, aymuray killapi, chay Santo Domingo de los Tsáchilas markapi kanka, chaska, 3 puncha, raymi killapi Guayas markapi kanka. Yallik hunkaka, Quito llaktapi karka.
LM/pv/jc-kichwa
