Mamallaktapi Tukuyman hamishpa rikuchishpa, achikyachishka, wanachishkami kana kan, shinami Ximena Ponce kamachiy killkak, Alianza País llaktay tantarimanta rimarka, shinallatak Antonio Posso Salgado kamachiy killkak, payka Avanza llaktay tantarimantami kan, shinami Medios Legislativos Tercer Debate willaypi karka.
Kay Pacto Ético rimaypimi shina willarka, kay tapuytaka Mamallakta Pushak 19 puncha, panchi killapi paraísos fiscales tapuy hawa willarka; Mossack Fonseca hawa; Mamallaktapak hatun kamachik kay llankayta pushakun.
Shinallatak Ximena Ponce kay yuyayta charirayarka, chay Pacto Ético shuwaykunata harkankapa nirka, tukuy runakunata tapushpaka may allimi kanka, shina mayhan tukuylla awllikpash paraísos fiscales irpapi kullkita charinata mana ushankachu.
Shinallatak, Antonio Posso, tukuy katikuykunata mana paktachishkachu nirka, shina kullki shuwakkunata katipanata mana utkachirka, kunan akllaypachapi kay tapuyta rurashkawan mana chay yuyaywan karkachu, kay huchakunamanta chay Código Integral Penal kamachiyta paktachishpa wanachina paktanman karka.
Kamachiy killkak, Ximena Ponce, Posso kamachiy killkak ña achiklla riksichishka kipa, tapuyka kullki shuwayta harkankapa shuk ñanmi kan nirka.
“Mayhan urmakpash, urmachunr”, shuwakkunata rimashpa shina nirka. Chay Mamallaktapak kullki, chay shuwa kullkiwasiman richun harkankapa tawka kamachiykuna tiyashka, chaywan Hatun Kamachikka kimsakutin llankaywan churashka kullkita tikrachichun paktashka
RSA/eg/jc-kichwa
