Kay Acuerdo Comercial Multipartes con la Unión Europea yuyariwan Makirurakkunaman yanapay tiyakpipash, paykuna wakin yuyaykunata achikyachichun shuk rimanakuyta Kamachikkuna rurachun mañan, chaypimi achiklla sakirichun nishpa riksichin.
Shinami Pablo Arias, Federación General de Artesanos de Pichincha (Fegapi) tantarita pushak rimarka.
Shinami kay llaktamanta, 28 ista llaktapi katushkata chaskikkunaka, 500 runakunami kanka nishpa riman. Shinallatak Arias pushakka, kunanka hatun Yuyari shamushkamanta achka yanapayta charinchik nirka, hillaykunata rantina, kapukkunata pukuchina, ruraykuna tukurichun yanapanka nirka.
Kay hatun yuyariwan imashina llankanata mana allita riksishpa ashta mancharishka kan. “Chay Europa llaktapi rurashka kapukkuna kay llaktaman shamukpi imashina llankana kakpimi, ashata mancharishka kan, chayka churarina awaypi, chaywan chimpapuranata mana ushanchikchu, shinapash ñukanchik rurashka churarinapash may allimi kan.
Chay kapukkunata imashina rantina kashkata achikllata rikisinta munanchik, mushuk katuna pampata paskanata munanchik, rurashunmi”, shinami Arias pushak rimarka.
Chay Superintendencia del Control del Mercado kamaywasiwan ishkantinmi, makirukkunawan kimirishpa llankana tiksita rurana yuyay tiyan, chaymi imatalla ruranata, yanapanata rikuchinka.
MC/eg/jc-kichwa
