Kay Comisión de Relaciones Internacionales waylla achikta rikuchirka

Martes, 14 de febrero del 2017 - 17:10 Imprimir Elaborado por: Sala de prensa

Kay Comisión de Relaciones Internacionales minkashka kay tukurina killakunapi mintalana yuyarita llankarka. Shinami Verónica Rodríguez kamachiy killkak rimarka, chayka mintalana, churashka hawa, llaktakuna wiñarina kan. Chaywan Mamallakta ashtawan wiñarichun mashkan nirka.

Kay Líbano, Irán, Ecuador llakatakuna mintalankapa shuk yuyarita killkarka. Kay yuyarikuna Mamallakta mintalaykuna punakarata mana katushpa achkata mirachinka, warmi kamachiy killkak rimarka.

Kallarik Mamallaktawan mana punkara kapukta katunaka nirka, kallarimanta ña alli llankaykuna rikurin nirka, chikan chikan tullpu llankay kapukta katunchik nirka. “Chay mintalaypimi achkata katukrinchik, kayka Asia llaktaman yaykurina punkupash kanka”, nirka.

Kay Irán llaktaka, Ecuador llaktapak maymutsurikmi kan nirka, chay llaktaka 81 hunu runakunatami charin. Chay llaktaka Ecuador llaktapi tarpushka murukunatami mutsun nirka, rurupak hullutapash shuyanmi nirka.

Kay yuyarikuna Ecuador llakta ukupi murukunatami ashtawan mirachinka. Kanchaman rurukunata katushpaka achka runakuna llankachunmi kayanka nirka, chayka Economía Popular y Solidaria kullkitami ukllanka nirka.

Kanchamanta kullkita apamunkapaka shuktak chikan chikan llaktakunawanmi yuyarita killkarka, shina mana ishkaykutin churashka kullkita kunankapami shinarka, Ecuador llakta, Qatar llaktawan yuyarirka, kay Servicio de Rentas Internas mana chaskinata mancharka, shinapash kayka mana hatunchu kan nirka.

LILA/pv/jc-kichwa