Kay Ricardo Quiroga, Efectivo willayta karu uyarikmanta uyachin Mamallakta Tantanakuy, tukuy Mamallaktapi kamachiykunata paktachikpi 320 waranka runakuna, zirma kullki punkuta paskarka. Kay willaytaka 21 puncha, pawkar killapi riksichirka.
Shinami sapan punchami achka runakuna kay mitachita hapin. Kay Pichincha markapi 50 waranka zirma kullki punkuman yaykurin nirka.
Kay Solidaridad y Corresponsabilidad Ciudadana por las Afectaciones del Terremoto kamachiywan, zirma kullkita yallichin, kay 14% patsakri churashka kullkita tikrachinka, shinallatak Impuesto al Valor Agregado (IVA), 10% patsakrita tikrachinka.
Shinanmi kay Servicio de Rentas Internas, 20 puncha, aymuray killamanta 2016 watapi kallarirka, Registro Oficial killkarishka kipaman, churashka ishkay nikita paktachin, 4 iñuta, IVA kullkita tikrachin nirka, llikata katishpami kullkita chayachin.
Willakka, alli willayta chayachirka, kay 1 puncha, kuski killamanta kullkita churamuk, kunamanta kullki punkuta paskana nirka, 1 iñu IVA kullkita tikrachinka, pawkar killakama, ña kanchis killaman paktanka.
Chay watamanta zirma kullkiwan llankamushkamanta, IVA kullkita, 2 hunu kullkita tikrachishka rikurin, shinapash Solidaridad y Corresponsabilidad kamachiy tiyarishkamanta zirma kullkita hapik mirarirka, 4 iñu IVA kullkita tikrachichirka, pawkar killakama kanchis killami kanka.
Runakuna kay zirma kullki punkumanta kullki pankata hapina ushan, shinallatak Banco Central arinishka kullkiwasimantapash hapinka. Kunankama 10 kullki wasimi tiyan, shinallatak 135 uchilla kullkiwasi tiyan, kay wasikunaka karu uyarikwan kullkita chaskichunmi yanapan, rimarka.
JLVN/pv/jc-kichwa
