Mamallakta Tantanakuypak Derecho a la Salud minkashkata pushak, Carlos Velasco kamachiy killkak, chay Plenario de Directivas de las Comisiones Permanentes y Especiales del Parlamento Latinoamericano tantaripi kan, chay tantarika México llaktapimi pusharikun.
Kay Ecuador llaktamanta kamachiy killkak mushuk llankayta rikuchirka, hampikuna mayhan Mamallaktapak llaktayukunapak hayñi kashkatami rikuchirka. Kay tantaripika sapan llankak tantarikunami, sapan watapi llankaykunata riksichinkapa tiksimi kanka.
Pay Carlos Velasco kay mushuk llankay ukupi kimsa tiksitami rikuchirka, chayka: hampikuna mayhan Mamallaktapak llaktayukunapak hayñi kashkatami rikuchirka; sapan Mamallaktapi kawsak runakunata mana kunkarishpalla mushukyachina, kamana yuyaytami charin. Allikawsayta charinaka runakuna wiñariynami kanka.
Ashtawankarin, kay Parlamento Latinoamericano tantari, Mamallaktakuna allikawsay llika hawa charinarayku tantarichun may mutsurik kuskami kan, shina Mamallaktapura yanaparinka.
Kay Carlos Velasco kamachiy killkak, kay Marco de Salud kamachiyta rikuna kan nirka, kallari rikuyta, allichinata ñami Comisión de Salud rurarka.
Shuktak yachaykuna
Shinami México hatun kitipash, kay IV Encuentro de Medios Legislativos de Comunicación de América Latina y el Caribe tatanri pusharichun yanapan, chaypi Mamallakta Tantanakuypak willakkunapash chaypi kan.
Kay hatun tantarika Red Latinoamericana y Caribeña de Medios Legislativos de Comunicación tantarita sinchiyachina yuyaytami charin, kay mushuk yuyaytaka México llaktamanta Blanca Alcalá kamachiy killkakmi churarka.
RSA/pv/jc-kichwa
