Kay Comisión de Educación, Raúl Abad Vélez pushashka, kay puncha Educación Superior, LOES kamachiyta mushukyachachinkapa, kay kamachiy kanchis watata llankamushka, kay kamachiy mushukyarishpa allita yachakukkunata yanapanka.
Kay Pontificia Universidad Católica del Ecuador, Fernando Ponce León hatun kamachik: yachakukkuna, yachachikkuna, yachachikta pushakkuna hawa wakin yuyaykunata churarka. Paykunapak yachakukkuna achiklla yuyayta charishpa yanaparina nirka, wakin yachakukkuna manyayachishka karka, tisiku runakuna, shuktakkunapash achkata yanaparinka.
Hatun yachana wasikunapi hatun kamachik kullkiwan yanapakpi yachachun shuk llikata wiñachina nirka. Chayka pukllaypi, amawta yachayta allita charichun nirka. Chaykunapak yachakukkuna 25% rimayta charichun, shina kamachikwan chimpapura llankachun.
Yachachikkuna kunankama paykuna tukuy pachata kushpa 60% patsakrita llankan, chayta paktachinaka llashakmi kan nirka, chay 2015 watapi, A, B patapi sakirik hatun yanchana wasikunapash 48% patsakriman chayarka, chaymanta yachachikkuna mana paktan nirka. Kay yuyaykuna imashina amawta yachayta pakchinata rikuchinka, kay llakita rikushpa yachana wasikunallatak allichinka nirka.
Paymanta, Politécnica Nacional hatun pushak, Jaime Calderón Segovia kamachik, kamachiyka mana yanka hawa hawa allichnachu kan, nikikunatami ashtawan allichina kan, kikinllatak paypak makiwan mañaymashkana, taripana kan nirka. Kay institutos superiores yachaywasiman hatun yachana wasikuna, sumakrurak hatun yachana wasikuna charishkata kuna.
Kay Consejo de Educación Superior kamachikmanta rimak nikikunata allichina kan nirka, paykuna 7 manta, 9 kama kamachikkuna, paykuna rimayta charichun nirka.
Paykunamanta, Cristian Flores, Federación de Estudiantes Universitarios del Ecuador, FEUE tantarita pushak, Azuay markamanta kan, kunan Educación Superior paktashkamanta rimashpa, yachakuk pakta runakunamantami rikuna kanchik nirka, puchaypi paykuna yuyayta churachunmi yanapana nirka, yachakukkuna chaypi kachun wakin harkata anchuchina nirka.
Kay Minkashkata pushak, Raúl Abad, mushuk yuyaykunata churakpi achkata yupaycharka, kay yuyaykuna minkashka tantaripi rimanata yuyarirka.
EG/pv/jc-kichwa
