Kay Biodiversidad minkashka tawka tantarikuna yuyayta churashkata chaskishpa katin. Kay punchaka: Orellana, Sucumbíos, Morona Santiago, Pastaza llaktakuna, runallaktakuna rimashkata chaskirka.
Tukuykunami Circunscripción Territorial Especial Amazónica kamachiywan shuklla yuyayta charin, chaymi: tukuy sukta markakuna paykuna munashka kullki, mitachi, kawsaytarpuy, yachay, pachamam paktakay shuyashka chayachun yanapanka.
Kay Rimankuy Patakunata pushak, Carlos Viteri,Antisuyuka kullkita chayachik kamana, allita makinchina llaktami kan, Mamakamachiy rimashkata paktachinami kan, Gobiernos Autónomos Descentralizados kamachikkuna allita llankachun llankayñanmi mutsurin nirka.
Kay José Quenamá, Confederación de Nacionalidades de Sucumbíos tantanakuyta pushak, llaktakuna, runallaktakuna llankaywan wiñarichun kullkita hapina hawa kamachiypi killkarichun nirka, chayka kawsaypak llankayñan kachun nirka. Chay Circunscripción Territorial Amazónica ukupi shuk kamachikta churana nirka, pay kullkita llaktakunaman pakta pakta chayachichun nirka.
Kay Domingo Cassen, Federación Shuar de Sucumbíos tantakuyta pushak, Mamallaktapi tiyak 14 runallaktamanta, 11 runallaktami kaypi kan nirka. Llaktakuna, runallaktakuna kamachiy riksishkami kana kan, paykunapash wiñarinkapa Mamallaktapak kullkita hapina hayñitami charin, shina tantarikuna, kamaywasikuna yanaparinka rimarka. Punkarata katushkamanta 5% patsakri kullkita hapichun nirka.
Pay Coms Córdova, Comisión Universitaria de Sucumbíos yachaywasimanta shamuk, 15.158 waranka yachakukkuna, chawpi yachayta yallikun, paykuna hatun yachayta hapinatami charin. Chay Fondo Común de la Ley Especial Amazónica kullkimanta, 10% patsakrita hatun yachayta sinchiyachinkapa yaykurichun nirka, shina: llaktakunapak yachayta, runallaktakunapak rurayta riksinkapa amawta taripayta yanachun.
Shinallatak Sucumbíos markamanta akllashka kamachiy killkak, Jofre Poma, kay kamachiyka Antisuypi kawsak runakunaman maymutsurikmi kan nirka, mayhatun tawkasami kawsay hatunyachun achkata yanapanka nirka, mana kullkipilla hatun yachun, tawkasami kawsaypi, llaktapi, runallaktapi yuyachun nirka.
Minkashkakuna Armando Aguilar kamachiy killkakta chaskirka, chay Sucumbíos markapi, Orellana markapi hatun yachay mana tiyanchu nirka, chaypak Función Ejecutiva llankachun, chay Universidad Estatal Amazónica hatun yachana wasiwan kimirichun, ishkay watapi chayachun, Mamakamachiywan paktachichun nirka, Universidad Autónoma del Norte de la Amazonía yachana wasita sinchiyachina, Sucumbíos markaman, Orellana markaman yachachun nirka, chayka El Eno shulkapi mamawasi kanka, Lago Agrio kiti, Sucumbíos markapimi sakirin.
Pay, Timoteo Huamoni, Nacionalidad Shuar de Pastaza tantanakuymanta shamuk, mushuk llankaykunata wiñachina maymutsurikmi kan nirka, punkara tiyak kuskapi kawsak runakunata, punkarata katushpa paykuna mutsurishkawan yanapanka ayllullakta wiñarichunpash yanapanka.
Pay Agustín Tentest, Nacionalidad Achuar de Pastaza y Morona Santiago tantanakuyta pushak, llaktakuna, runallaktakuna paykunapak kawsayta allichirichun kullkiwan yanapachun nirka, imashina kay kullkita llankaypi tukuchina llaktayta churachun nirka, tantanakuykunapash chay kullkiwan yanaparichun nirka.
Shinallatak, Abel Santi, Nacionalidad Shiwiar del Ecuador tantanakuyta pushak, chay muchuk kamachiypi runallaktakunata kullkiwan yanapachun shuk nikita churana nirka, Mamakamachiy nuñanchikpak Ecuador llakta tawsami kawsayta, kawsaytarpuyta charik, Mamallakta kan, chaymanta hayñikuna paykunaman chayamuna kan nirka
JLVN/pv/jc-kichwa
