Mamallakta Tantanakuy, 84 arinishka apuchiwan, mushukyachishka Función Legislativa kamachiyta arinirka, kay kamachiywan llankaypak wakin karmata mushukayachirka. Kay kamachiyka 11 mushuk yuyaytami hapin, shamuk pachakunapimi Mamallakta pushakkman pay allichichun, shitachunpash kachanka.
Mushuk kamachiyka kamaywasipak mamachiywan llankayta, llankakkunata katirayaytami sinchiyachin, shinallatak minkashkakunapak llankayta, kamachiy killkakkunapak Hunta rimanakuytapash yanapanka.
Kay Participación Ciudadana y Control Social minkashkata pushak, Johanna Cedeño, kamachiy kamupak tukuri killkamilkapi tukuy Ecuador llaktamanta runakunapak kawsay alliyachun alli kamachiykuna killkarichunmi achkata yanapanka, shinallatak rikurayay llankayta pushankapa yanapanka.
Kay kamachiyta mushukyaychishpa, Mamallaktapak Hatunkamchikkuna, paykunapak llankayta rikuchichun Mamallakta Tantanakuyman kayashka kanka, shinami achka kamachiy killkakkuna rikuchirka. Kay Unidad de Técnica Legislativa kamachiyta alli killkashpa Mamallakta Tantanakuyta yanapanka.
Kamachiyta killkachun minkashka tanarikuna arinishka kamachiy alli llankachun katirayanka; llankayta katishkamanta rikurishka willay Mamallaktapak alli kakpi Mamallakta Tantanakuy chaskishka kanka.
Shinallatak Mamallakta Paushak, Mamallakta Kipapushak, paykunapak llankayta Mamallakta Tantanakuyman riksichinka, ima puncha Mamallaktamanta llukshishkata, ima puncha tikramunata willanka. Mamallaktapak Hatun kamachikkuna sapan sukta killapi sukta killapi, paykunapak llankaywan kimirik minkashkaman llankayta willanka.
JLVN/pv/jc-kichwa
