Kay 11:00 sayllata, José Serrano Salgado, Mamallakta Tantanakuyta Pushak, kamachiyta iñichishpa tayta Lenín Moreno Mamallakta Pushak kachun tiyachirka, kutin Rafael Correa Delgado llukshik Mamallakta Pushak, Mamallaktapak Unancha pintuta churachirka.
Kay Hatun aknayka 1.700 shamushka runakunapak ñawpakpimi pusharirka, chunka ista mashi kayashka Mamallaktakunamanta shamurka.
Paykunaka: Bolivia llaktamanta Evo Morales; Chile llaktamanta Michelle Bachellet; Colombia llaktamanta Juan Manuel Santos; Argentina llaktamanta Mauricio Macri Mamallakta Pushakuna shamurka; kay Mamallaktamanta hatun kamachikkuna, ista llaktamanta tantarikuna shamurka.
Tayta Lenín Moreno Mamallaktapak Wasipi llankankapa tiyarirka, paypak awllita mana pantashpalla pushanata arinirka, shina kari warmi Ecuador llaktapi kawsak runakunapak hayñita kamanka.
Mushuk Mamallakta Tantanakuyta pushak José Serrano, pay llankana wasiman alli shamushkata kurka, mana pakta kawsayta, pakta rakita anchuchinka, wakchayaytapash anchuchishun nirka.
PAU/pv/jc-kichwa
