Mamallakta Tantanakuyta pushak, José Serrano, 31 puncha, aymuray killa Rumiñahui kiti wiñarishka punchapi karka, shinami kitipi kawsak runakunaman napayta chayachirka, Mamamallakta Tantanakuy tarpukkunata kamashpa yanapashun nirka.
Mushuk kamachiykunawan, tarpuyta, murukuna pukushita yanapashun nirka, kamachiy killkakkuna imashina kamachiykuna paktakushkata rikunkapa llaktakuman chayanka nishpa willarka.
Pay, José Serrano, Pichincha markapak Rumiñahui kitipak kanchischunka iskun watapaktaypi karka. Chaypimi imashina kaypi kawsak runakuna kakta, imashina tarpuna allpa kakta rikisirka. “Kay kitika ñawpa runa, (Rumiñahui) hatun pushakpak shutita charishkamantami hatun kiti rikurin nirka.
Shinami, payka llaktakuna kishpiyrishka kawsachunmi wañurka, España llaktaman mishukuna chayamuktami harkakarka”, shinami llakta kachashkata paktachina kan nirka, shinami llakta ushayta hatunyachinka nishpa rimarka.
Kay kitipak raymika kay mushuk kamachikkunapak alli llaktay pushanata hawapi churana kachun, kamachiykuna tarpukunata, murukuna pukuyta achkata yanapachun mañarka. “ Mana kikinkunalla kankichikchu nirka, kapukkuna Mamallaktapak kallari llankaymi kan. Shinami mañachina kullki tiyachun, tarpuyta sumak ruraywan yanapana kachun, mushuk tarpuykuna wiñarichun kamachiywan yanapakrinchik”, nirka.
Mamallakta ashtawan tarpuypi, murkunata pukuchishpa katichunka Allpa kamachiy, Yaku kamachiy, Muyu kamachiy ñami tiyan nirka. Shinallatak ñallami Sanidad Agropecuaria kamachiy llukshinka nirka. Mamallakta Tantanakuymanta Responsabilidad contra el Microtráfico y el Consumo de Drogas kamachiy, Para la Prevención de la Violencia de Género kamachiykunata surkunka, shuktak Consejo Consultivo, Productivo y Tributario kamachiy tiyanka nirka.
Shukmanta rimashpaka, Mamallakta Tantanakuy Código de Entidades de Seguridad y Orden Público kamachiyta atinakunka, kay Sistema de Protección de Autoridades kamachiywan, Policía y Fuerzas Armadas kamachikpak llankaykuna hatunyanka, kay kamachiy Bomberos runakuna, Aduanas kamaywasi, Policías Municipales kamachikkunapak llankay sinchiyanka, awllikkuna ashtawan yachanka, sumak rurayta charinka.
LILA/pv/jc-kichwa
