Kamachiy killkak Ángel Gende chay Participación Ciudadana tantarita Kipapushak, Secretario Técnico para la Reconstrucción de Manabí y Esmeraldas, Carlos Bernal kamachik shamuchun mañan.
Shinami, payka16 puncha, ayriwa killa, 2016 watapi allpa tuñirikpi, runakunata yanapashpa imashina, mashna kullkita tukuchishka hawa rimanka.
Kamahiy killkak willayta chayachishkapi, 3.000 hunu kullki tukurina karka nishpa willan. Sarun hunkapi Gende kamachiy killkak, Manabí markapi karka, chaypimi Junta Cívica kamachikkunawan tantarirka, imashina chay kullki tukurishka kanka nishpami asha llakirishka kan.
Killkana uku willayta kachashka kipa Ángel Gende, Junta Cívica kamachikkunapak yuyaypika, mashna kullki tukuchishka mana llankaykunapi tukuchishka rikurinchu nirka, allinta yupana kan, nirka.
Rikurichun shuyakun
Kamachiy killkak, Carlos Bernal kamachik imashina kullkita tukuchishkata willachun kayarka. Kullkita imatalla rantishpa kutukchishkata willachun, rikuchichun mañan, tukurishka wasikunata, ñankunata allichishpa mashka kullki yaykurishkata willachun mañan..
MC/pv/jc-kichwa
