"Wiñaypachapi riksirina, ayllukuna chaypikana, kayachishka makipurashpa Código del Trabajo kamachiy rurashkami, kaypika tukuymanta llankaytami kimichin mushuk llankaykunatami wiñachin kayshinami llakta wiñarinapi kimirishpa sinchiyachik", kashnami Liliana Durán apuk, Derechos de los Trabajadores minkarishkata pushak nirka. Ibarra llakta, ishkay niki rimanakuypimi kashna rimarka.
Minkarishka apukkuna ñami ishkay markakunaman chayashkanchik. Shinallatak, 22 markakunapimi ayllukunapak yuyashkata chaskishun, hatun yuyayka llankak ayllukuna paykuna mutsushkata kay Codigo Integral del Trabajo kamachiyman chayachichunmi kan. Durán apukkuna nirkapashmi Mamallakta Tantanakuypak llika pankapi ishkay yaykunatami churarkanchik: Kay rimanakuykunaman mana chayamuy ushakkuna yuyaykunata kaypi chayachichun, shinallatak kayshukka yuyaykunata chayachik ayllukuna paykunapak mañashka imashina paktakushkata rikuchun katichunmi kan.
"Kaymanta wichimanka ayllukuna mana yuyaykuna chayachishka kamachiyka mana tiyankachu", kashnami Trabajadores minkarishkata pushakka nirka, kay Código de Trabajo kamachiyka tukuyta tantachik mushuk yuyaykunata kimichikmi kanka. "Tukuyshina llankaymi kaypika kimirin: llaktapak llankakukpi, shukllapak llankakukpipash shuk kamachiypilla hayñika tiyachun. Kay Código kamachiyta ña mana allichikunallachu kanchik 1938 watapi rurashka kamachiymi, nishpaka ñami 70 watakunata charin, ñami mawka hayñikunapash ña mana paktakanchu shinallatak mushuk llankaykunata mana riksinchu" nirkami.
Kay mushuk kamachiypika shuklla llankachik wasi pushakkunapak mushuk yanapaykunatami kimichishkanchik, paykuna llankayta wiñachishkamanta. Kay kamachiy rurana yuyayka llakta pushak, Lenín Moreno hayachishkami nishpa yuyachirka, "Plan Toda la Vida" yanapayka wasichishpa llankaytami wiñachinka. "Kaywanka rikunchikmi Llankakta yanapana yuyaymi rikurin", nishpami willachirka.
Shinallatak, Juan Carlos Andrade, Políticas y Normas del Ministerio de Trabajo killkakamayuk, kay mushuk Código de Trabajo kamachiyta ruranapak rimanakuyka kimsapuramanta chimpapuraymi, shinallatak llaktakunaman chayashpa yuyaykunata chaskishpa katishun nirkami. Tukuyshina llankaytami kaypi riksishun kayshina llankay ashtawan mirarishpa katichun, kayshina, kikinmanta llankay, tarpushpa llankay, wakrakuna wiñachiy, llikapankapi llankay, wamrakunapak llankay, yachakukkunapak llankaypash. "Kay Ministerio de Trabajo llankay wasimi kay Código del Trabajo kamachiy ruranapi pakta yanapanka" nirkami.
JLVN/pv/cg-k
