Mamallakta Tantanakuyka llakta pushak Lenín Moreno runatami mañarkakuna, Esmeraldas llaktaman upyana yaku chayashpa katichun yaku chayachik antakunata allichinapak kullkita chayachichun. Shinallatak apukkunaka yakuta chayachik antakunata mushukyachichunmi mañarkakuna, kayshina yanapaywanka 2 waranka litros por segundo yaku Esmeraldas, Atacames shinallatak Rio Verde llaktaman chayachun, yuyarinakushka killka paktachun llankana pachakuna paktanatapash rikurachun.
Shinallatak, Gobiernos Autónomos minkarishkaman kay Bede tantanakuypi kimirishka llankayta pushak willanaman shamuchun, kay tantanakuymi upyana yaku chayachinapak antakuna mushukyachiypi llankakunkuna. Kayshina llakikunata yanapanapak imashinalla llankaykuna katikushkata, pachakuna imashinalla paktakushkata, yanapay alliman rikushkata willachun kayachinka.
Shuktakmantaka yakuta rikuk, Senagua, Eapa y los Gobiernos Autónomos Descentralizados de Esmeraldas, Atacames, Río Verde llaktakunamanta pushakkuna apukkuna minkarishka ukupi willachun kayachinkakuna.
Willaykillkapika yallik 18 puncha karwal killami yaku chayachik Agua Potable San Mateo llankana antakuna wakllirishkamantami yaku illarka. Yaku illakpi llakika Comité de Operaciones Especiales tantanakuymi kay llaktaman yaku kutin tiyanakama yachana wasikunapi llankay harkarichun mañarkakuna.
Kay wanra 5 puncha kuski killa Esmeraldas llaktapi Agua Patable San Mateo (Eapa) llankaywasipak chusku antakuna ruparka, kay rupashkami yaku hapinapi yakuta chuyayachinapipash yanapak antakunata wakllichirka. Kay llakika 15 punchakunatami kimsa kitikunaman yaku chayanata harkark, shinallatak, yachana wasikunaman wamrakuna chayana harkariypish paktay usharin.
Roberta Zambrano apuk. markamanta akllashka runami kay yanapanapak mañay killkataka chayachirka, waranka waranka llakta ayllukunami unkunalla kawsayman chayanallakuna, shinallatak yaku pakta chayanapak achiklla llankay mana rikurishka shinami kan.
Paola Cabezas, yuyachishpa rimarka yaku illayka llakta riksinaman chayakkunata markapi kullki llankaytapash wakllichin, shinallatak mushuk anakuna rurayka 60% paktaypimi llankarikun nirka. "Kay agua potable en San Mateo llankay wasika utka allichinami, mana kayashpallapi sakirina kan ashtawanpash yachakkuna llankaymi mutsurin", nirkami.
Paykuna rikuypika, Senagua shinallatak Empresa de Agua San Mateo llankay wasikunaka imamanta llakikuna tiyashkatami kutichina kan, mana paktarinchu XXI patsak watakunapi antawapi yakuta chayachis katinakanchu.
Guillermo Celi apukka kay upyana yaku chayayka wakllirishka llakika Pichincha, en Manabí; Valencia, en Los Ríos; Río Verde y Eloy Alfaro, Esmeraldas markakunapipash tiyanmi.
"Yakumanta llakika, tukuy allpapachapi shinallatak, ancha llakimi, chunka wata yallitami tiyan", kashnami Carmen Rivadeneira apuk nirka, shinallatak tawka kaparinakuymi tiyashka mana ima kutichiyta chaskishkanchikchu.
Rina Campain apukka mapakuna yallishkamanta yachana wasikuna, llankay wasikunapash wichkarirka, chaymantami utkashpa yanapay kutichiyta shuyakunchik, nin.
Luis Fernando Torres apuk, upyana yaku chayachik antakuna llankashpa katichun shinallatak mushuk antakuna ruraypash utka tukurichunmi mañarka.
RSA/pv
