Kimsa rimanakuy kipa, Educación Superior (Loes) Hatun Kamachiypak kallari atinakuy tukurirka.
Chaypimi may alli yachaymanta, kullkimanta, kikinllatak, amawta yachakuy kati, wallpay, illushka taripay rimaykuna achiklla rikurirka, shuk rimaykunapash rikurirka.
Kamachiy killkak Hermuy Calle kallaripi rimarka, paymi imashina kay Educación Superior llankayman yaykushtaka riksichirka, kay kamachiyka hatun yanapaykunatami kurka.
Chaymanta chay rankings de las universidades churashkata anchuchinaka mana alli kanchu nirka, chaymwan maysumak yachay wasi tuna alli kan nirka, chaywan ñukanchik yachanawasikuna shuktak Mamallaktawan chimpapura alli kanka nirka.
Kay Calle kamachiy killkak, hatun yachanawasi kallpayta harkana mana alli kakta rimarka, hatun yachayta rikuna mutsurin nirka. “ruraywan mana kallpana, kallarimanta kutin rurana mana alli kanchu nirka”, rimarka.
Yachana wasi katichunka ñawpakman kullkita churashka kan, istallaktapak yachanawasikunawan chimpapushpa rikushpa, ñunchikpak yachaykunata allichishun nirka. Istallaktakunapi imashina katikukta rikushpami ñukanchikpak Mamallaktapi imashina yachanawasikuna katikukta rikushun nishapa rimarka.
Yapa yuyakuna
Kamachiy killkakl Luis Pachala, mana alli kakta rikuchun sakirka, kamachiyta mana rimanakushpa rurashkata rikuchirka, llankaywan mana katimushpa rimanakuyta charin nirka. Kamachiyta mushukyachishpapash mana chayanaman paktanchikchu nirka. Kunanpi rikukpika, ura hawami kan, shukpak hatun yachanawasipak kan.
Kay mushuk kamachiyka, chapchiwan, kawsaytarpuywan kimirishkami kan. Kamachiy killkak Amapola Naranjo kapchikkuna, makirurakkuna ruranata mirachichun mañarka, paykuna yachayta pushachun, chay ñanpi paykuna llankachun nirka, kawsay tarpuypi llankashka yachayman hapichun nirka, shinallatak chay llankaykuna ayllullaktaman chayachun nirka.
MC/pv/jc-kichwa
