Willana hillaypi Revolución Ciudadana tantari, chay Juan Lloret, Pabel Muñoz, Bairon Valle kamachy killkakkuna llankayta mirachinkapa ñakarinka.
Shillatak wakchayta anchuchinkapa kullkita kuyuchishpa, kapukyaykunata tankashpa llankachun rimarka.
Chaymantami kaytaka pakta runakunapi mana kamay tiyakta allichishpa pushanka.
Llaktayukkunapak mañaykunata, llakikunata allichinkapa kamachiykunata, llankayta rikuykunata churashpa sinchita llankana, Lloret kamachiy killkak rimarka, chaypak RC llankayñanta rurashka kan nishpa riman, shinami llaktakuna hatun tapuypi arinishkata tikrachina nirka.
Kamachiy killkak Pabel Muñoz alli llankayta charinkapa kallarina nishpa rikchichin, sinchi yuyayka Código de Trabajo kamachiyta, shinallatak Seguridad Social kamachiyta allichinami kan, chay kamachiykunataka pakta runakunawan rimashpa, llaktakunawan chuklla yuyay tukushpa pushana kan riman.
Chamantami pakta runakunaman mushuk llankaykunata wiñachishpa, kullkita wiñachik llankaykunata, riksina llankaykunata, makiruraykunata wiñachishpa llankana kachun nishpa riksichin. Shinallatak Mercado de Valores, Economía Popular, Wasi runa kamachiyta allichishpa llankanata riman.
MG/pv/jc-kichwa
