Kay Alianza PAIS (AP) llaktay tantari llaktakuna 4 puncha, panchi killa Consejo de Participación Ciudadana kamachikta akllanka hawa pushanka.
Shinami arinishkata utka llankashpa paktachinkapa kamachiyta kutsiklla killkashpa arininka.
Kay llaktay tantarimanka Pichincha markamanta llaktay pushakmi kayarka, paykunaka utkashpa rantinchichunmi mañarka.
Shinallatak Gustavo Baroja, AP de Pichincha markamanta pushak, kay markamanta Mamakamachiyta allichinata, llankaykuna allichiriun hatun tapuykunamanta yanapak runakunata yupaycharka.
Paykunapak apuchiwan achka tapuykuna 80% patsakri muyurka, achka tapuyta tikrachinapimi wawakunata, imillakunata, pakta runakunata millay yumayta rurashkamanta, chay Montecristi llaktapi runakuna killkashka Mamakamachiyta mana pakishpalla, pachamamata mana wakllichinata, shuwanakuna ama tikramuchun, llakta yushay ashtawan mirarichun yanapanka.
Kay kamachiyta killkana kuskapi kashkanchik, kay 2019 watakama Consejo de Participación Transitorio kamachikkunata tiyachina, paykuna llaktakunapak munayta hapishpa kamachikkunata unipak tukuy llaktakuna akllashpa churanka, shinami paykunaka llaktakuna mañashkataka tikrachinka.
Mama María José Carrión, Pichincha markamanta kamachiy killkak: “imshinami Mamakamachiypi riman shina llaktakuna arinishkata paktachina kanchik, chaytami shinana kanchik nirka”. Mamallakta Tantankuymi shuk minkashkakunata tiyachirka, paykunami kamachiykuna allichirichun allita llankanka, llaktayukkuna mañashkata utka tatkishpa paktachinka.
LILA/pv/jc-kichwa
