Kay Educación Superior (Loes) kamachiyta arinishkawan 13 punchapilla pichka kamachiyta arinishka.
Chaymanta kay kamachiykuna Mamallakta Alli katikillata rurashkawanmi paktashka, chaypakka chikan chikan llaktay tantarikuna, kamachikkuna shuklla yuyaywan llankashka.
Kay llankaykunawan Mamallakta Tantanakuy paypak llankayta ashtawan mirachishka, paykunapak hayñimanta anchuchshka runakunaman paktapakta kana llankayta, yuachayta, allikawsayta, shuktak hayñikunatapash tikrachishka, charishkakunatapash paktarakishka.
Kunan puncha, Mamallakta Tantanakuy Loes kamachiyta mushukyachishpa arinirka, kay llankaytaka chay kamachiywan llankanata charik runakunami shuk watata achkata yanaparka.
Kay mushukyachishka kamachiyka pakta runakuna hatun yachayman yaykurichun, pay munashkata yachachun yanapanka, chaymi paykunapak yuyaykuna, yachaykuna, ruraykuna runakunata yanapankapa mirarinka, shinami ñawpakmanka alli runakuna wallparinka.
Allichshka Loes kamachiy
Kay Loes kamachiyta mushukyachishpaka sumak ruraypi, mushuk yachayta yachayta sinchiyachinka, yachakpika kimsapata, chusku pata yachay pankata chaskinka. Kaypi yachakkuna hatun yachana wasiman yaykunata ushanka, kamaykumi yayachamna yaykurinkapa shukla mutsuy kanka. Imashina yachashkata, kullki llaki charishkata rikunkami, manamanta shamushkatapsh rikunkami.
Kay kam,chuyka achka yachakukkuna chayamuchun, alli yachayta charichun kamanka, shinami llaktakuna, runallaktakuna yachayta charichun yanapanka, ayllullaktakuna, kitikuna maki kushpa, yachayka mañachishpa hatunyachinka.
Saywa wiñarina kamachiy
Mamallakta Tantanakuy Desarrollo Fronterizo kamachiyta kutintak arinirka, kay kamachiytaka, yallik watapi llankak Rafael Correa, Mamallakta Pushak kashpa tukuyta 2012 watapi shitarka. Kunan kamachikkunami kutintak hapirka, Mamallakta Tantanakuy llaktapak alli kachun arinirka.
Kay kamachiywan runakuna kullkita, kasilla kawsana kawsaytarpuyta charinka, shinami saywamanta 40 waranka saywa tuputa ukuman charinka. Kay kamachiy arinirichunka saywa kuskamanta llaktayukkuna, kamachikkuna atinakuykunapi yuyayta churashpa yanaparka.
Antisuyu kamachiy
Antisuyupi kawsk runakunapak munay paktarka. Mamallakta Tantanakuy allichishka Para la Planificación Integral de la Amazonía kamachiyta arinirka, kay kamachiyka kullkita, runakunapak kawsaytarpuyta, pachamamata yanapanka.
Chay llankaykunapa kullkiwan kaman. Chaypak Fondo para el Desarrollo Sostenible Amazónico kullkita wiñachin, kay kullkiman chay llaktaman llukshik punkara mankata katushkamanta 4 % patsakri yaykurinka, sapan mankamanta ishkay dólar kullki urayman mana kankachu.
Antisuyupak sapan markakunapi hatun yachanawasi wiñarichun kamachiy killkakkuna mañarka, chay yachaykunawan llaktakuna wiñarinka, karikuna, pakta runakuna, warmikuna, wamrakuna mana washaman sakirinka. Shuktak kamachiykunapash shinallatakmi tukuy suyukuna wiñarichun achkata yanapanka.
LILA/pv/jc-kichwa
