Kay Comisión de Régimen Económico tantari Sistema de Contratación Pública kamachiyta allichinkapa katikillapi churashka.
Chatmi kay kamachiyta allichinkapa Consejo de Administración Legislativa (CAL) tantari, allichishkata katishpa kanchis kamachiypi patachinka.
Kimsa kamachiyka Henry Cucalón kamachiy killkak killkashkami kan. Tukuylla kamayta achiklla rikuchinatami mashkan.
Mamallakta llankay yuyari rurayta mañaymashkan; Mamallakta shuktak kamaywasikuna kimirishka runakunapak munaywan, Mamallaktapak munaywan hatun willayta rurashpa, charishkakunamanta kamachiywan, charishkata Mamallaktaman yallichinata mitsan; Mamallakta llankayyuyarikunata rurashkata allita rikuchun, mayman paktashkata rikuchun mañan.
Kamachiy killkak Juan Pablo Velín rimashkata paktachinkapa, llankayyuyarikuna achiklla rikurichun, llankay yuyaripi ama amsalla kachun rikunka, Mamallaktapi pushka kapukkuna, makirurashkakuna, yachakkuna, uchilla hatun llankakywasikuna alli kapukkunata rikuchinka, ista llaktakunaman kachanka.
Shinami Mónica Alemán kamachiy killkak, chay Servicio Nacional de Contratación Pública kamaywasi katuna, rantina pampakunaman rishpa kapukkunata katuna nirka. Kutin Absalón Campoverde kamachiy killkakpak killkashka kamchiyka chay Contratación Pública kamachiywan allichirichun mañan, tukuylla kullki tukurishkata allilla, pakapakta tukuyman chayachichun churana nirka.
JLVN/pv/jc-kichwa
