Kay palanta, shuktak tarpuykunata, katunata, nikina, purichina, kullkiwan yanapana kanka.
Chay llankaykunatami kay Comisión de Soberanía Alimentaria tantari ashtawan pushanka.
Chaypak kay mushuk Kamachiy killkarikukta allichishpa katinka, kipaman alli kamachiy llaktapi llankanka.
Kay mushuk kamachiy 8 wankurikunatami charin. Mamallaktapi charishka muyu tarpuykunata hatunyachinarayku, purichinarayku shuktak mushuk muyukunata tarpuchun sakichin, ashtawankarin Guayas, Los Ríos, El Oro markakunapi tarpukta rikunka, shina kapukkunata ista llaktaman katunka.
Kay Kamachiyka may alli rurukuna kachun, sumakruray sumakrurayta kamanka, kay fitosanitaria imashina kakta kamaykunka; shinallatak kapukkuna, mintalay, ruruta katukkuna, ruruta kanchaman katukkunata rikunka, rurukunaka Mamallakta Tarpuy kamachikpi kipushka kanka, paymi rikunka.
Katuna, rantina yuyarikunata kay kamachiyta rikunata charin, kamachiywan churashka chanitapash rikunka, palanta iskanka mashna chani kashkata, irpata, kay Servicio Nacional de Derechos Intelectuales ukupi kipushkata rikunka.
Yapa mintalanakuna patakuta, chikan chikan palantata, hatunpalantata, kuripalanta kanchaman katuna unipak kachun rikunka, shina palantata tarpukkunaman achkata yanapanka.
RD/pv/jc-kichwa
