Ikayta shinallatak ukllaytapash ayllukunapak, tantanakuykunapak, pachamamapakpash kay Sistema Nacional Descentralizado de Gestión del Riesgo de Desastres paktarishkawan imalla llakikuna tiyakpi sumaychankapak; shinallatak mitakunata, ruraykunata, hillaykunata paktarikunatapash tantachinapak makipurachinkapak kayshina llakikuna rikurishkata ñawpankapak, harkankapak, anchurinkapakpash, kaykunpi pakta yanapanapakmi kay Orgánica de Gestión Integral del Riesgo de Desastres kamachiyta mashkakun, Mamallakta Tantanakuymi ishkayniki rimanakuypi riksirka.
Kay kamachiyka llakikuna rikurikpi llamkaywasikunawan paktarinapakmi yanapan, shinallatak kay istema Nacional Descentralizado de Gestión del Riesgo de Desastres llamkakkunamanpash ruraykunata, sumaychanatapash chayachin. Shamuk pachakuna llakikunata rikurankapak, harkankapakpash shinallatak llaktakuna pakta wiñarinapi llakikunata harkashpa yanapankapak, llaktakunapi kasiklla kawsayta tarinkapakpash.
Shinallatak kay kamachiyka tukuymanta ruraykunawan, kimirikunawan ashtawanka tukuyman paktarinawan llamkayñanta ruranapak hillayta wiñachin shinallatak llakikuna rikurinata ashayachin wakllirinamanta anchuchinpash, llaktayukkunapash llakikunata chimpapuranapak ashtawan yachankuna.
Inés Alarcón, kay kamachiy rurana killkata riksichikka kamachiyta ruranapak chayachishka sukta kamukunatami tantachirkanchik shinallatak llamkaywasi pushakkunapak, Asociación de Profesionales de Gestión de Riesgos del Ecuador; Ecuador con Gestión de Riesgo; Servicio Nacional de Gestión de Riesgos; Secretaría Nacional de Planificación; consultores de la ONU shinallatak PNUD tantanakuykunapak yuyaykunata chaskirkanchik. Ashtawanka, llaktapak llamkaywasikuna Defensa Nacional, de Gobierno y de Relaciones Exteriores, de la Policía, Servicio Nacional de Aduana, Fiscalía General del Estado, Servicio Integrado de Seguridad ECU911, Asociación de Municipalidades Ecuatorianas, UAFE, SRI, Consejo de la Judicatura, shuktakkunapash yuyaychayachishkata riksirkanchik.
Rimanakuypika Inés Alarcón, Xavier Jurado, Camilo Salinas, César Umajinga, Patricia Núñez, Lucía Posso, Eckenner Recalde, Lenin Rogel, Mariana Yumbay, Jamilton Intriago, Pierina Correa shinallatak Milton Aguas kamachi killkakkunami shuk kamachiy charina mutsurishkapi yuyaypaktarirkakuna, kaymanta ñawpakmanka yallupak kawsayta, charishka waklliriytapash harkanka, kaykunata kutincharinaka ashtawan chaniyanmi.
Llaktayuk Rimariy
Mamallakta Tantanakuyka llaktayuk rimarina pachakunapi Nury Bermúdez y Carolina Portaluppi, PNUD tantanakuypi llakikunamanta yachak; Cristhoffer Velasco, Asociación de Profesionales de Gestión de Riesgos Ecuador tantanakuyta pushak; shinallatak, Ramiro Narváez, ñawpa kamachi killkaka kay Seguridad Integral Minkarishkata pusharka, kay ayllukunatami chaskirka, paykunaka Mamallakta Tantanakuy kay kamachiyta Fenómeno de El Niño llakichiy chayamuna ñawpa arinishka allimi kan nirka, kayshina rikurinalla llakikunata shinallatak tiyak llakikunatapash harkanapak, nirkami
Kay kamachiytaka tukuy paktarina alli rikushpami rurarkanchik kayshina Ecuador llaktapi llakikuna tiyanata ñawpashpa riksinkapak, harkankapak shinallatak llaki tiyakpi utkashpa yanapankapak, nirka. Llakikunaka llaktayukuna yuyaypaktarinamanta rikurin shinallatak llakta allpapi wakllirinata mirachin, nirkami.
BG/pv/cg-k
