Mamallakta Tantanakuyta pushak, Henry Kronfle Kozhaya, willachikkunawan rimanakuypi nirkami, kayna kullka 21 puncha kapak killa rimanakuypika, llaktata ñawpa kipapushak Jorge Glas runata wanachinapak arininata mañaywanka, pay runapak llaktayukkayta mana imapi shuktakyachinchu, Mamallakta Tantanakuyka nima yuyaypaktariman mana chayarkachu, nirka.
Yuyachirkami Esther Cuesta kamachi killkakmi Mamallakta Tananakuyman Glas runata wanachiy taripay kallarichun arina mañayta chayachirka, shinapash mañashkata arininapak (92) apushitay mana tiyarkachu. Shinaka, mana arinishka karka, chaymantami Glas runapak kamay paktariyka imapi mana shuktakyashkachu shinallata kamak runakunapak makipimi paykuna yuyaypaktarichunkuna.
"Nimamanta mana arinishkataka katinapak harkashkata shinata mana rikuna kan, mañashkata mana arinishkaka, paktatak mana nishkami. Arinina mana ninami karka, Mamallakta Tantanakuypak ishkaymanta kimsapi rakishka (92) paktana karka", kashnami, Mamallakta Tantanakuyta pushak nirka.
Kronfle kamachi killkak tukuy willachikkunata shinallatak llaktay yachakkunatapash, kayna puncha paktarishkata allita rikunaman kayachirka. "Mamallakta Tantanakuyka mana ima yuyaypaktariman chayarkakchu shinallatak kaytami Corte Nacional tantanakuyman willashun, llaktata ñawpa kipapushak, Jorge Glas, runata wanachiy taripay kallarinapak arinichun mañashkamanta", nirkami.
EG/pv/cg-k
Ashtawan shuyukuna:
