Mamallakta Tantanakuypi kay Erradicación de la Violencia y el Acoso en todas las Modalidades de Trabajo kamachiy mushukyachina killkata shukniki rimanakuypi riksirkakuna, kay kamachiiyka Código de Trabajo y la Ley Orgánica de Servicio Público kamachiyta mushukyachin, shinami llamkaypi tukuymanta wakllichiyta shinallatak llakichiytapash harkan anchichinpash, llaktapak shukllapak llamkana wasikunapi.
Kamachiyta riksichik shinallakta Derecho al Trabajo Minkarishkata pushak, Jhonny Terán nirkami "llamkaywasikunapi llamkapak runapak kawsay, allikana hayñikunata wakllichiytami anchichina kan, kay llakichiykunaka pakta alli llamkaytami harkan, llamkana ukupash amsa kan, shinallatak llamkaywasikuna sumaychanatapash wakllichin", nirkami.
Kay kamachiy rurana killkawanka llamkaypi wakllichiyta llakichiytapash mana alli ruraykuna kan nishpami riksin, manchachiytapash kimichin, shuk kutinlla shinallatak kutin kutinpash rikurikpi, wakinkipa llamkak ayllupak aychapi, yuyaypi, yumaypi, kullkipash llakichin, shinallaktak kaypika kari warmi kashkamanta nakashpaka runa ayllukuna kashkamanta llakichiytapashmi kimichinkuna.
Llamkaypi llakichiy manchachiypash rikurikpika, runakunata nakashpa tantanakuy pushakkunatami kullkiwan wanachinka shinallatak alliyachinapak yanapanapakpash ruraykunata chayachichun mañanka; shinallatak, kayshina llakichikpash llaktayukmanmi kishpiriyta mañanka. Yuyanpashmi, ashtawanka, llakichiyta wakllichiyta harkanapak yachachiykuna chayachinata.
Tawka wankurimanta kamachi killkakkuna rimanakuypika llaktayukta yanapak kamachiyta allichinapi yanaparik shinallatak llamkaytapash wiñachik kamachiyta arininami kan nirka, llamkay paktarinata yanapak kashpakapash, tukuy ayllukuna kasiklla kawsana, allikana, sumaychay chaskinami paktarina kan, kaypika runa alli kana pakta pakta kanmi tiyana kan.
Ruranapak chayachishkapika, Ministerio de Trabajo llamkaywasipi llakichik nishpa huchachishka ayllukunapak shutita killkapi charichun mañan, shinallatak redes sociales llikapipash llakichiyta kimichina kan ninmmi, llaktapak llamkak ayllukunata kayshinapi urmakpika wanachinami kan, ninmi.
BG/pv/cg-k
Ashtawan Shuyukuna:
