81 ari apushitaywanmi, Mamallakta Tantanakuy kay Universidad de Seguridad Ciudadana y Ciencias Policiales Sumak yachanawasita arinirkakuna, kay llamkaywasika kikinmanta, llaktpak hañiwan, kullki wiñariypi mana paktarishpami llamkanka; kikinmanta yachaywan, pushaywan. killkillamkaywan, kikinmanta llaktaywan purinka, kay Mamakamachiypi shinallatak Orgánica de Educación Superior Kamachiypi rikuchishkata katishpa.
Kay Universidad de Seguridad Ciudadana y Ciencias Policiales Sumak yachanawasi wiñachinata pushakkunaka Ministerio del Interior shinallatak Policía Nacional llamkaywasikunami kanka.
Kamachiy killkapika, sumak yachanawasika kaytami yachachishpa kallarinka: Licenciatura en Investigación Criminal y Forense; Licenciatura en Gestión de Seguridad Ciudadana; shinallatak Licenciatura en Inteligencia Estratégica y Prospectiva. Shinallatak kay Ley de Educación Superior kamachiypi rikuchishkata paktashpa yachayta ashtawan mirachiy ushankami.
Kay Universidad de Seguridad Ciudadana y Ciencias Policiales Sumak yachanawasika Fondo Permanente de Desarrollo Universitario y Politécnico (FOPEDEUPO) llamkaykullki rakinapi wiñarishka pichkawatamanta paktarinka, llakayta wiñarinatapash paktankapak.
Rimanakuy ñawpaka, llaktayukta chaskinapi, Rocio Guanoluisa ñawpa kamachi killkakmi kay kamachiy rurana killkapika tawka ayllukuna tantarikunami yaykunata shinallatak rikuchiytapash chayachirka nirka.
Francisco Zumárraga, comandante de la Escolta Legislativa pushak, 60 waranka chapak llamkakkunapak shutipi, shuk kamachiyta, yanaparinata shinallatak yachaytapash mutsushkatami rimarirka, kayshina alli llamkaywan paktarinkapak, nirka. "Kay Sumak yachana wasika Policía Nacional tantanakuypaklla mana kanchu, yachayka kayachik kimichikmi kanka" nirkapash. kayshina yuyayman José Vargas, director de Educación de la Policía Nacional tantanakuyta pushakpash kimirirka.
Christian Lema, Colegio Mejía yachanawasimanta, kay 2022 wataka, 32 waranka yalli allukunami sumak yachana wasiman mana yaykuy usharka, chaymantami kay Universidad de Seguridad Ciudadana y Ciencias Policiales yachayta paktarinapak alli kan, ayllukunapash yachayman yaykuchun.
Kamachiy rurana killkata riksichik Zolanda Plúas nirkami, kay Sumak yachanawasita wiñachinapakka, yachaykunata shinallatak pakta yuyaykunatami charinchik, sumak yachayman yaykuchunmi mirachinata mashkakunchik, shinami llaktapi kasiklla kawsay alli kaypash kutin tiyachun yanapanapak mashkakunchik, nirkami.
Ana María Raffo kamachi killkakka llakta llamkaykullkipi llakikashkata yuyachirka, llamkaypaktarinapak 5 waranka hunu kullkimi illan, shinallatak shutichishka kullkita chayachinapak chaninapakpash mana paktan nirka.
Dallyana Passailaigue kamachi killkakka kay sumak yachanawasi yachakukta ashtawan chaskinapak mirachinka, sukta killan killanmi 6 warankata chakinapak paskarka. Hernán Zapata kay kamachiy rurana yuyaywan paktarirka, sumak yachanawasiman paktarinapak alli kan nirka. Nataly Morillo yuyarkami llaktapi kasiklla kawsanapak shuk yanapaymi kan, nirka. Shinallatak Mauricio Zambrano, Guido Vargas y Cecilia Baltazar runakunaka, kay kamachiypak yuyaykunata chayachirka.
AM/pv/cg-k
Ashtawan shuyukuna:
