Mamallakta Tantanakuyka kunanpi Ecuador llakta kawsakushkamanta tukuy llaktay wankurikunawan utkashpa yuyaypaktarishkata shinallatak ruraykuna katikushkatapash ayllukunaman willachin.
1.- Tukuykuna tantarinawanmi tukuy llaktay yuyay chikanta charishpapish shukllashina llamkakunchik. Kunanpi kawsayka makipurashpa wankuriynamanmi kayachin. Kayshina pakta llamkaytaka makipurashpa sumaychaywanmi paktarikunchik.
2.- Ñukanchik yanapaytami Fuerzas Armadas, Policía Nacional tantanakuyman shinallatak Mamakamachiyta, kamachiykunata paktachishpa llamkak awllikunamanpash yanapayta chayachinchik. Llaktayukkuna kasiklla kawsachin allikachunpash munaywan, ruraywanpash llamkakukkunata riksirinchik arininchikpash. Kayshina llamkakkuna paykuna mutushpa llamkaypi ima rikurikpika llakikunata kunkankapak, kishpichinkapakpash yanaparinchik.
3.- Kunanpi kasiklla kawsay llakikunamanta llakta pushak llamkay paktarishkapi kimirinchik, mamallaktapi kasiklla kawsa shinallatak allikaypash kutin tiyachun. Wichkana wasimanta pakatukushpa llukshinata rikuna charikkunata riksinapak shinallatak kamachiy paktashkawan pakta wanachinapakpash.
4.- Mamallakta Tantanakuypak llamkayta katishpa, kunanpi llamkanapak paktarikuk kamachiy rurana killkata kasiklla kawsana rikuna charikta utkashpa allichinapak arinishkanchik, kaypika COIP kamachiy mushukyachinapak 41 chayachishka killkata tantachishkanchik, kay killkatami shamuk punchakuna Mamallakta Tantanakuypi riksinkakuna.
5.- Llaktay chaparay paktanapika, utkashpa alli llamkaywan katishun. Kunanpi makipurashpa llamkaywanka llaktapi pushakkunata mana wakllichishunchu, Mamallaktapi Estado de Excepción paktarikuk llamkaywasikuna katikushkata sumaychashun.
Mamallakta Tantanakuyka llakta shuklla yuyaywan tantarinapi, llaktay paktachinapi, tukuy ayllukuna kasiklla kawsay charinapi kimirin,
Ashtawan shuyukuna.
