Mamallakta Tantanakuypi hunta rimanakuy, 100 ari apushitaywanmi, Inclusión Económica y Social, Esteban Bernal llamkaywasi ñawpa pushakta, paypak llamkaypi mana alli paktarishpa, Bono de Desarrollo Humano yanapaymanta, paktsak patsak wakllirinalla ayllukuna, mana riksichishpa, man pakta rikushpa, shinallatak paykuna mitsarichun mana alli katishpapish ñawinchishpai nishpa llamkaywanachirka,
Eckenner Recalde, ñawinchik shina, llamkaywasi ñawpa pushakka mana nanarishpami paktarishka, Ecuador Mamallaktachiy wakcha ayllukunaman yanapay chayachina hayñita harkashkamanta, chikanyachishka ayllukunapika yuyak runakuna, tisiku ayllukunami rikurin, paykunaka Llakta pushakmanta kullkiyanapaywanllami kawsakurkakuna, nirkami.
Rimarikuypika, ñawinchik runaka tawka ayllukuna rimashkata, shinallatak Fiscalización Minkarishkapi llaktay ñawinchiy paktarikuk ukupi rimashkatapashmi kuyurik shuyupi riksichirka, kaypika ñawpa yanaparikuk ayllukuna ancha llakipi kawsakushkatami rikuchirka. Payka Mamallakta Tantanakuyta kay Bernal runa llamkashkawan paktarishkata llamkaywanachichun kayachishpami puchukarka, kayshina llaktapak llamkak ayllukuna wakcha ayllukunata ama llakichichun, nirka.
Chaykamaka, llamkaywasi ñawpa pushak Esteban Bernal runaka nirka pay pushakuypika 289 waranka ayllukunatami kullki yanapayta anchuchirkanchik, shinallatak, 314 waranka Ecuador llakta ayllukunatami yanapayta chaskichun kimichirkanchik nirka. Shinallatak nirkami, llamkayka mana panta kanchu chikanyayka paykunallatakmi paktarin, ayllukunapak kawsay alliman rikurikpi, wakcha kaymanta riksichikkuna shuktakman yallishkamanta, nirka.
Nirkapashmi yanaparikkunata kuyaymantalla kimichishka kakpika Contraloría tantanakuymi ñukapak llamkaymanta wanachinman karka shinallatak, yuyanimi 190 hunu dólar kullkimnata wanachiy taripaymi kallarinman karka.
Kay Rimanakuypika llamkaywasi ñawpa pushak Bernal runapaypak llamkaypi mana alli paktarishka nishpa shinallatak Ecuador llakta 34 waranka ayllukunata yanapay illaklla sakishka nishkami riksirirka, kay ayllukunaka Mamallaktachiypak yanapayllatami charinkuna.
Yuyachinkunami kay Ley Orgánica de la Función Legislativa kamachiypika, Mamallakta Tantanakuypi wanachiy paktashkawanka llaktapi ishkay watata llamkayman mana paktarina ushachunmi harkan.
EG/pv/cg-k
Ashtawan Ashuyukuna:
