Mamallakta Tantanakuyka kay awkarik punchami ishkay hatun rimanakuyta charinka, kaypika Llakta pushak kay Vigilancia y Seguridad Privada Kamachiy rurana killkata allichinaman kachashkatami riksinkakuna shinallatak Ley de Seguimiento, Cooperación e Implementación de las Obligaciones Internacionales del Estado Ecuatoriano en Materia de Derechos Humanos kamachiy rurana killkatapash shukniki rimanakuypi riksinkakuna.
Runapak Haynita paktachinatak
Mamallakta Tantanakuyta pushak, Henry Kronfle kay No. 890 niki rimanakuyta katinapak 10h00 pacha tutamantapakmi kayachirka, kaypika kamachiy rurana killkatami shukniki rimanakuypi riksinkakuna, kay kamachiyka runapak hayñikunata Ecuador Mamallaktachiy istallaktakunawan paktarinata katichun, shinallatak pakta makipurashpa yanapachunmi achikyachina, riksichinpash.
Kay rimanakuyka Jisticia Minkarishka allichishka llamkaywillaypimi paktarinka, kay killkataka tawka tantarikunawan shinallatak yachakkunawan, shinallatak Istallakta hayñita shinallatak runapak hayñitapash yachakkunawan, Defensoría Pública pushakkunawan, Defensoría del Pueblo, Ministerio de la Mujer, Procuraduría General del Estado, Corte Nacional de Justicia shinallatak Universidad UTE yachana wasiwan, shuktakunawanpashmi rimanakurkakuna.
Llakta pushak allichinaman kachashka.
15h00 pachapakka, No. 894 niki rimanakuymanmi kayachiska, kaypika kamachi killkakkunaka Ley de Vigilancia y Seguridad Privada kamachiy rurana killka allichinaman kachashkatami riksishka allichinkaku
Kay kamachiytaka Mamallakta Tantanakuymi 123 ari apushitaywan arinirkakuna, llaktapi llakichiyta chimpapuraypi, kasiklla kawsay mashkaypipash yanapankapak. Kaywanka Sistema de Vigilancia y Seguridad Privada llamkayta; ayllukunata ukllashpa chapanapi, charishka wasikuna chanikunatapash ukllanapak; kaypi llamkakunata yachachinapak riksichishpa katinapakpash; shinallatak ayllukunata chapashpa llamkakkuna illapata charichunpashmi sinchiyachin.
Shinapash, Llakta pushak, Daniel Noboa runaka, kamachiy ruranapak killkapi 59 allichinakunata rikuchishpa kachashka karka, kaytami Relaciones Internacionales Minkarishkapi riksirkakuna kaypika llakyukta yanapak llaktaykunatami kallaripi churarka kayshina llaktapi hayñikunata paktashpa chapay utkashpa, yachakkunawan, sumaychashpapish tiyachun.
Chaypakka, Mamallakta Tantanakuytami Llakta pushak killkashkapi, shinallatak killkata ashtawan achikyachichun rikuchishpa allichinaman kachashkata hapichun mañan. Shinallatak nirkami Mamallakta Tantanakuyka llaktapi llamkaywasikunata sinchiyachinapakka llaktapi kasiklla kawsanata kutichinapi sinchita llamkana nirka.
Kayshina rimanakuypimi, Mamallakta Tantanakuyka allichinapak rikuchishka 58 killkata hapirka shinallatak kamachiy ruranapak 1 niki killkata chayshinallatak sakirka.
PV/cg-k
