Mamallakta Tantanakuyta pushak, Henry Kronfle, willachik antakunawan rimanakushpa nirkami, Llaktayukkunaka 62% patsakmi chaskishka rikurin, chaymantami munaywan llaktapak llamkakunchik. Kutinpash nirkami 10 kamachiytami arinishkanchik, 9 kamachiyka 100 kamachiy killkakkuna arinishkami, kayshinaka kamachi killkakkuna chikan yuyayta charishpapish makipurashpa llamkashkami riksirin, nirkami.
Kronfle yuyachirkami Mamallakta Tantanakuy llamkanapak churashka purikukunmi, kay llamkayñantaka tukuy llaktaywankuriwan allichishkami shinallatak paykunalla llamkak kamachi killkakwanpash kaypika Ecuador llaktapak kamachiyta rurana shinallatak nikichinapakpash churashka kan, kayshina, llakichik tantanakuykunawan chimpapurashpa, kay Código Orgánico Integral Penal (COIP) kamachiy mushukyachinapak, ishkayniki rimanakuypi paktarinka.
Kimichishpa nirkami wanachiykuna sinchiyachun shinallatak paktanakunata achikyachishpa, kayshina, medidas cautelares, hábeas corpus shinallatak acciones de protección kamaypipash, shuktak yuyaykunapipash, kaypika ushay paktanapak shinallatak taripaykunata kamak runakuna pakta riksichunpash. "Llaktayukta llakichikta chimpapuranapakmi kamachiyta rurakunchik, shinallatak yurak kunka llakichiktapash llaktapak kullkillamkaypi, kamaypipash llakichikta harkanaak, kaykuna kamaypi mana paktarikpipash" nirkami.
Kullkillamkaymanta rimashpaka, Kullkimanta utkashpa rurana kamachiyka Llakta Ukupi llakita chimpapuranapakmi kan, Mamallakta Tantanakuyta pushakka Llakta pushak yuyashkata sumaychanimi nirka, kay IVA manu kullkita 12% patsakmanta 15% patsakman mirachinapak mañashkata sumaychanimi nirka. Shinapash, llakta ukupi llakita chimpapuranapak kullki paktanaka mana kayllapi kana kanchu, shuktakmanta paktanapash tiyanmi, nirka.
"Achikllami kana kan, llakta pushakka llakta ukupi llakita chimpapuranapakka 1.040 hunu dólare kullkitami mutsun, llamkaywasikuna shuk kutinlla 2022 watapi yalli chanishkamanta chanishpa. Kay mana washaman katichikchu, nirkami, yupay tukuypa chay wata yallishka kullki sakirishkamantami rakirinka, shinapash katik watakuna paktarinapakmi kan". nirkami.
Shinallatak, Mamallakta Tantanakuy ushay charinmi LLakta pushak chayachishka kamachiy rurana killkata allichinapak, shinapash kamachiy ukun washayashkata mana wakllichinchu, Llakta pushakpakmi kan, nirka.
Puchukaypika, kay utkashpa rurana kamachiyta Mamallakta Tantanakuy arinichun sinchitami llamkashun, shinallatak Ministerio de la Ley paktariypi yallichunpash shinallatak wakichirichunpash mana
EG/pv/cg-k
Ashtawan Shuyukuna:
