Mamallakta Tantanakuypi, Mamakamachiy kay 209 niki killkapi rikuchishkata paktachishpami, Kamachiy Awllimanta minkashka ayllukunata chapak pushakkunata llaktayukmanta minkarishkapi rikuchun akllarkakuna.
Kay Consejo de Participación Ciudadana y Control Social kamachiypak 56 niki killkapika, Llakapak llamkaywasikunamanta, llakta ayllukunamanta, shinallatak llaktayukmantapashmi minkarishkakuna paktarinka, kari warmipashmi pakta pakta chayankakuna.
Shinaka, 82 ari apushitaywanmi; Nicky Estéfano Sánchez Berrezueta shinallatak Aneska Geovanna Bello Espinoza runakuna, Inés Alarcón kamachi killkak shuti chayachishkamanta, Defensor Público pushak akllanapak llaktayukmanta minkashka chayanka.
Shuktakmantaka, Defensoría del Pueblo pushakta akllanapak minkarishkakunaka, Mamallakta Tantanakuypi 83 ari apushitaywan Patricio Vicente Benalcázar Alarcón shinallatak Amelia Fabiola Calderón Yánez runakunata akllarka, shutikunataka Paola Cabezas kamachi killkakmi chayachirka.
Puchukaypika, Rodrigo Mena Ramos shinallatak Cinthya Carbo Medranda runakunapak shutitami Otto Vera kamachi killka chayachirka, paykunaka, 82 ari apushitaywanmi, Conferencia Plurinacional e Intercultural de Soberanía Alimentaria (COPISA) tantanakuypak iskun kallaripi shinallatak katik ayllukuna akllanapak minkarishkapi chayanapak akllarirkak,
Minkarishkata akllanapak ñawpaka, Mamallakta Tantanakuypimi, Sergio Coronel Benítez runata Conferencia Plurinacional e Intercultural de Soberanía Alimentaria tantanakuyta pushanapi llamkay kallarichirka, payka munaywan yuyaywan pakta llamkasha nirkami.
CV/pv/cg-k
Ashtawan shuyukuna:
