Kay Ley para el Ahorro y la Monetización de Recursos Económicos para el Financiamiento de la Lucha contra la Corrupción kamachiy rurana killkata shukniki rimanakuypi, kullkimanta utkashpa ruranapak chayachishka, kamachi killkakkunaka extinción de dominio Mamallaktachiyman paktarinata, llakichiyta chimpapuranata, Mamakamachiy paktachinata shinalaltak shuktak yuyaykunatapashmi ashtawan rimarirkakuna.
Shukniki rimanakuypak llamkaywillaytaka Régimen Económico Minkarishkata pushak, Nathaly Farinango kamachi killkakmi riksichirka, nirkami, Ministro de Finanzas pushak nishkapika, 110 hunu dólar kullkimi llakimanta charishkakunata hapikatishkapi tiyan, nirka.
Hatunyachishpa, kay kamachiyta arinishpaka, Mamallaktachiyka 32 hunu dólar kullkitami llaktapak ninakushkapi wakichinka; shinallatak, 170 hunu dólar kullkitami llakimanta charishkata katihapishpa kutin charishun, kayka llakimanta tukuy charishkapak 10% patsakmi kan.
Ashtawanka, kay extinción de dominio kamaypak hatun yuyaykunata riksichirka: taripay paktarina pachata utkanchina; paktarina shinallatak riksirinapash; shuktikyachik kamay; shinallatak, llamkaykullkita mirachina alli tukuchinapash. Puchukaypika, Mamallaktachiywan shinallatak kasiklla kawsaywan paktarikta allichina, kamachiy mushukyachinata rikuna charik, illapakunata, tukyakta, shinallatak llakichiyta rikukushkata katihapishkatapash Policía Nacional nakashpaka Fuerzas Armadas tantanakuyman yallichinkapak, tantarishka llakichikta chimpapuranapak mutsurikpika.
Rimanakuypika 32 kamachi killkakunami yuyayta chayachirka, paykunaka llakta pushaypi llakikunata chimpapurashpa anchuchina nirkakunami, kay kamachiyka Corte Constitucional tantanakuy yuyarinakushka killkawan paktarichun, shinallatak llakichik tantanakuykunapak "llamkaykullki kuyuchik" kashkamanta, umachinkachikmanta ashtawanka.
Shinallatak, kamachiyka Mamallaktachiy kamachiy charishkata shinallatak kamayta mamakamachiyta rikurashpa paktashpa sumaychachun nirka, mashiyashpa ukllana unanchay, shinallatak ya Ley de Extinción de Dominio kamachiyta allichina mashkay tiyachun, charishkata katihapichun mana ayllukunallata, shinallata ima llakikunata riksichik akllay charina, Unidad de Análisis Financiero y Económico (UAFE) tantana willashkata charina, charishkata kullkiyachishpa rakina shinallatak shuktak rikuykunapashmi tiyarka.
Viviana Veloz kamachi killkak, Mamallakta Tantanakuyta kipapushak, rimanakuyta pushakushpa, kay kamachiy rurana killkata pakta rimarishka allimi kan nirka, kaypi tantachishka yuyaykunaka Régimen Económico Minkarishkaman chayachishka kanka kaypi yuyaykunata tantachishpa ishkayniki rimanakuypak llamkaywillayta allichichun.
AM/pv/cg-k
Ashtawan shuyukuna:
