Kay No. 496 niki Kamachi Kipukpi Kimichishka killkapi, 9 puncha panchi killami Mamallakta Tantanakuypi arinishka Orgánica de Vigilancia y Seguridad Privada kamachiyta willachishka karka, kay kamachiywanka llakichikta shinallatak llakikunatapashmi chimpapuranapak yanapanka, shinami llaktapi ña paktarikun.
Kay kamachiyka Sistema de Vigilancia y Seguridad Privada llikata; shinallatak ayllukunata, charishka wasi allpata, chanikunata; kaypi llamkakunata yachaypi yachachinapi yanapan; ashtawanka chapashpa llamkakkuna illapakunata charinapakmi wiñachin rikuranpash.
Kay kamachywanka chapashpa shinallatak rikurashpa llamkakkunapak hayñitami ukllan shinallatak sumaychankapash, ashtawanka llamkachikkuna imata mana paktarina, wanachiykuna charinatapash achikyachin.
Ashtawanka, shukllapak chapashpa llamkakuna yachachun shinallatak yachashpa katichunpash sumaychan; Llaktapak llamkaywasikuna kayshina llamkayta rikuna charikkunapash paktarichunmi rikunka.
Chapashpa shinallatak rikushpa llamkakkuna ashtawan sinchiyachunmi kamayta churan, Llaktapi kasiklla kawsakta rikuk ayllukunawan pkatarinapak sumaychan.
Chapashpa shinallatak shukllata rikuyashpa llamkachikkunata kamachiypi paktachun; kayshina llamkakunapak hayñitapash riksirin ashtawanka yachashpa katichunpash riksirin; shinallatak, chapashpa llamkakkuna, shukllata rikushpa llamkakunapash yachachun shinallatak yachashpa katichun yanapak tantarikunapash mutsushkata, harkashata, shinallatak kamachiypi paktarinapash achikyachin.
PV/cg-k
