Shamuk awkarik 12h00 punchapakmi, Henry Kronfle pushakka kay N.º 901 niki rimanakuyman Mamallakta Tantanakuypi kayachirka, kaypika Ecuador llakta Costa Rica llaktapura Mintalay yuyarinakunapak llamkaywillaytami riksishpa arininkakuna, kay killkataka Relaciones Internacionales y Movilidad Humana Minkarishkapimi allichirkakuna.
Llamkaywillaypika mintalanapak yuyarinakushkata arininami nin, kaywanka 10% katunami kunan mintalakushkata miranka, shinaka 2,9 hunu dólar kullkitami mirachinka ninmi.
Mintalanapak yuyarinakushka killkaka antapi churashka wakichina chalwata, yanta patakuta, hampikunata, camarón, yurak hayññikuna, chuyayanapak cerámica, chapu mikuna, caramanta rurashka churanakunatami ashtawan miltalanapak churanka nin.
Shinallatak, kay yuyarinakushka killkapika tawka charinakunatami chikanyachishka kan, wakra aycha, mikuna katsa, ñuñukuna, chiwilla, mishki, mana kanchashka shañu, shuktakunapash, kay charinakunataka Costa Rica llakta achkatami mintalan.
Kay yuyarinakushka killkaka Costa Rica llaktawan mintalay paktarinapakmi yanapan, kay Ecuador llaktapak 65% patsak charishkakunami manu kullkita chayachin; kay yuyarinakushka killkawanka 65% patsakmanta kunanka 0% patsakwanmi 5 hunu ayllukunawan llaktaman chayanka.
Kay Istallakta hillayka Corte Constitucional tantanakuy, sasi killa 2023 watapi yuyaypaktarishka killkatami charin.
Llaktapi Lanushkata Ñawinchiy
Ñawpakmanka, 11h00 pacha tutamantami, Mamallakta Tantanakuy N.º 898 rimanakuywan katinka kay killkaka Garantías Constitucionales, Derechos Humanos, Derechos Colectivos y la Interculturalidad Minkarishkamanmi kay III Censo Nacional de Población, VII de Vivienda y I de Comunidades Lanu paktashkata ñawinchinapak chayanka.
AM/pv/cg-k
