Mamallakta Tantanakuyta pushak, Henry Kronfle Kozhaya, willachikkunawan rimanakuypika, ódigo Orgánico Integral Penal (COIP) kamachiy mushukyayta arininapak paktay usharinkami nirka, rimanakuyka tawka yuyaykuna chyachishkapi kimirinka shinallatak kay kamachiyta riksina rimanakuy katinapi rikurikpipash.
Rikuchirkami, kaykutinka, kimsa killkata chikan chikan apushitashka kanapak rikunka: shukka rikuchishka alli yuyaykunata arininkapak, kaypika, llakichik ayllukuna wanarikukpi yanapay chayachinamanta; mushuk llakichiykunata shutichinkapak; wanachiykuna sinchiyanamanta. Ishkaynikipika, chimpapurashka yuyaykunata, Fiscalía tantanakuypak willayta riksichinamanta shinallatak imamanta taripayta kutin rikuna yuyaykunata; shinallatak kimsa nikipika, Llakta pushak kay Llaktayukta taripaypi chayachishka yuyaykunami kanka.
Shinapash, rimanakuy manarak wichkashka kakpika, pushak Kronfle runaka mushuk mañaykuna chayanapash ushanmi, kayshina, kay kamachiy rurana killka Minkarishkaman kutin tikrana, pusak punchakunapi, tukuy allichinata paktashpa apushitanapak chayachun.
Mamallakta Tantanakuyta pushakka kay kamachiy mushukyachun 40 mañaykuna yallita pakta rikushpa allichishka ñawpakman katichun rikurashunmi nirka, kaypika llaktayuk mutsushka yuyaykunami kay wanachina yanapayta ashayachina shina, mushuk llakikunata riksina shinallatak, ashtawanka, ancha llakikunamanta wanachiyta mirachinapak.
Ashtawan, Mamallakta Tantanakuy paktanaka, kay patsak yalli punchakuna llamkaypi riksichishka, achikllata shinallatak kutsi kutsi llamkashpa, llaktayuk yanaparichun paktanmi. Chaymantami, kay COIP mushukyachinaka ashtawan mana shuyakuy tukun ashtawanpash imashina ñawpakman rinatami mashkana kan.
Kipuy
Shuk willachik riksichishka willaykunamanta rimashpa kunanpi llamkakun kamachi killkakuna llamkayman chayamushka, 17 puncha sasi killa 2023 wata kallarirka, Observatorio Legislativo wankuripak willaytami hapin, kay tantanakuyka Shukllamanta Llamkakmi Mamallakta Tantanakuywan mana tinkirishka; willachikkunaman chayachishka riksinakunata allichinapak imashina paktashkata mana yachanchikchu nirka.
Paykunaka, kay ONG wankuri willashkapika, yuyanmi tukuy 112 rimanakuymanta, 64 kutin anchurishka nin. Allita willashpa Henry Kronfle runaka tukuy kayachishka 41 rimanakuymanta llamkay kallarishkamanta, 36 rimanakuypimi karka shinallatak pichka kutin mana chayashkapika, karushka nakashpaka rimanakuyman mana mushpa chayay mana kanchu, ashtawanpash Mamallakta Tantanakuypak shutipi, shinallatak llakta riksichina llamkaypi, nakashpaka Llaktapak kayshuk llamkaywasikuna pushakta chaskinapi paktarishkami, kay llamkaykuna Mamallakta tantanakuyta pushana shutipi paktarishkami.
EG/pv/cg-k
