Mamallakta Tantanakuyka Llakta pushaktami kayachirka, kay Consejo de Gobierno del Régimen Especial de Galápagos tantanakuy pushakkunawan, kiti pushakkunawan shinallatak kay marka llaktapi kitilli pushakkunwan tantarishpa, chayllapak 24 puncha panchi killa 2024 watapi kayashka rimanakuypimi archipiélago llaktata ukllanapak manu kullkita mirachirkakuna.
Shinallatak mañaypika kay manu kullki mirachishkata hakachichun mañan, llaktayukman shinallatak markapi llamkakwasikunaman pakta riksichinkama, kaypi llaktayuk pakta chayachun, achiklla llamkayta paktachun shinallatak tukuy minkarishkapi kimirishka ayllukuna mutsushkata rikunaman, ashtawankarin llaktata riksinaman chayakkunata yanapanapak.
Lenin Rogel kamachi killkak, Galápagos llaktamanta akllashka, 26 watakuna kipa kay manu kullkita kutinpash rikuna mutsurikpi, shinallatak llamkakwasikunapi kayshina rurayka pakta waktarishkamanta, shinapash kayshina manu kullkita mirachinapakka tukuy llaktayukkunawan tantarishpa ashtawankarin wakllirinalla wankurikunawan yuyaypaktarinami mutsurin nirka.
Galápagos llaktaman yaykunapak manu kullki 6 kullkimanta 30 dólar kullkiman llaktayukkuna shinallatak 100 kullkimanta 200 dólares kullkiman istalla ayllukunapak mirashkawanka istallaktamanta rikunaman chayamuk ayllukuna riksinaman chayanami ashayanka chaymantami kayshina ruraykunataka ayllukuna llukshichun yaykuychunpash mana pakta mirachian nin.
Milton Aguas runapak rikuypika, kay markamanta, mirachishka kamachiywan waktarin nin, llaktayukta mana tapushpa paktarishka, ashtawankarin manu kullki mirachinapak rikuchishkata mana katishkakuna, nin.
Shuktakpika, Palora kiti pushak, Estalin Tzamarenda runami llaktayuk rimarina pachapi chayamurka. Kay Ecuador llaktapak mushuk Mamallakta Tantanakuy llamkakushkata napashka kipaka, pitahaya muruta tarpuk ayllukunatapash yanapachunmi kayachirka.
Mana riksishka unkukuna
Kay rimanakuypika, Mamallakta Tantanakuyta minkashka pushakuk, Viviana Veloz, kay Día Internacional de las Enfermedades poco Frecuentes yuyarina ukupi, panchi killa puchukay punchapimi yuyarin, tukuy munaywan yuyaywan yanapay chayachinapakmi arinirka, kay yanapayka shamuk pachakunpi llamkay ashtawan yuyaypaktarishk,a yanaparik; shinallatak paykuna mutsushkapi munaywan kuyaywan kasiklla yanapay chayachinatami rimarirkakuna.
"Llaktayuk pakta kawsanata yachachishkamanta yupaychanchik, sinchiy manakakuy punchakunapipash kankunalla mana kankichikchu shinallatak Mamallakta Tantanakuypak yanapaywan kaypimi kanchik" nishpami puchukarka.
RSA/pv/cg-k
Ashtawan Shuyukuna:
