Mamallakta Tantanakuypi Fausto Murillo, Juan José Morillo runakunata llaktay ñawinchiy kallarinka, paykunaka kay Consejo de la Judicatura (CJ) tantanakuypak rimarik shinallatak ñawpa rimarikmi ka, kay ñawinchiyka paukunapak llamkaypi mana paktashkamanta nishpami Carlos Vera Mora kamachi killkak chayachirka, paymi ñawinchik kan.
Kay llaktay ñawinchiypak puchukay paktanapi, Carlos Vera kamachi killkakka José Murillo runa ñawpa rimarik llamkaypi mana pakta llamkashka nirkami kutinpash, paypak ushaywan mañaykuna huchachiypi urmashka nirkami, kay mañaytaka kamak runatami Guadalupe Llori warmiman Mamallakta Tantanakuy pushanata kutichichun chayachishka nishpa, kayshina mañaykunaka llikapi willachik La Posta uyachishkapimi riksirin nirka.
Chayshinallatak, kay CJ wankuriyta ñawpa pushak shinalltak kunanpi rimarik, Fausto Murillo runaka, pay rurana charishkawanmi mañaykunata Juan José Morillo chayachikpi mana ruraykunawan paktarishka; kamak llamkaypi ruranakunapak killakullkita mana pakta churashka; tukuy mutsushkapi, llamkana wasi mutsushkapi mana pakta yanapashkamanta shinallatak kamana wasikuna kutincharinapi mana paktarishkamanta; CJ tantanakuy pushana doctor Álvaro Román runapak paktakpipash pay chayashkamanta; shinallatak, Manabí markapi kamak wasi kutin ruranapipash mana pakta rikushkamanta ñawinchiy paktakun nirkami.
Chaykamaka, Fausto Murillo runaka llaktay ñawinchiyka mana tiyana kanchu nirka, kaymanta, shukpika Pushayman chayanapak mana pakpak kakpipash yallishka nin, shuktakpika, mañay chayakpi pushakshina mana rikushka; killakullkita mana pakta churashka; kamak wasikunata mana rikushka; shinallatak, Manabí marka kamak wasi kutin rurayta puchukachun mana rikushka nin, kay yuyaykunaka Derector General de la Judicatura tantanakuy pushak rikunami kan, nirka.
Paymantaka, Juan José Morillo runaka, chayta rikunapaklla uyana wakichishkawan, Judicatura tantanakuyta wakllichina yuyaywan, ushay charishkamanta mañay chayachishkawan, tiyakpika, llaktay wañachiynapak huchachiy mana tiyanchu. Kay rimanakuyka rimarikpura shinallatak kamak llamkakkunawan rimanakuymi karka shinallakta nimamanta mañayka mana karkachu, hayñi rikuchishkata katishpa paktanata pantachiyka mana karkachu nin.
Rimanakuypika 13 kamachi killkakkunami rimarirka, paykunaka ñawinchik ruranata yanapashpa huchachishpapish willaykunata, huchachiykunatatami kay chushku huchachishkapak yuyaykunata chayachirka, tawka kamachi killkakkunaka, llamkaypi mana paktarishkatapash rikunchik nirkami.
Kay rimanakuy 12 saylli yalli paktashka kipami, 22h00 pacha tuta, Viviana Veloz, Mamallakta Tantanakuyta minkashka pushakuk, 907 niki rimanakuyta harkachirka shinallatak kay kullka 29 puncha, panchi killa, 09h30 pacha tutamantapak kayachirka.
EG/pv/cg-k
Ashtawan Shuyukuna:
