120 kamachi killkak arinishkawanmi, Mamallakta Tantanakuyka, Daniel Noboa Azín, Llakta pushakta tarpukkunata shinallatak yakupi llamkakkunata tukuy llaktapi tamyamanta wakllirishkata utkashpa yanapana nishpa shutichichun mañarka, tamyakunami yaku untaywan, allpa shuchuriywan, llamkay kullki waklliriywan llakichishka, Ecuador llaktapi mashi ayllukunami llakipi kawsakun nirka.
Shinallatak, llakta pushak llaktapak kullkiwasikunata kullki mañachishka kipayashka kakpi, chayachina pacha yallishka kakpi, shinallatak kutichichun kamay paktakukpi, tukuy paktarina ukupi charishkata mintalana ñawpa, kullki kutichina pachakunata kutin pachakunpi allichinapak paktarichun, paktarina ushashkata rikurashpa, kayshina yanapayman kimirishpaka 24 killakuna ukupi sakirichun, kullki mañakpak ushay paktanata rikurashpa.
Shinallatak, llakta chaparanata kay Los Ríos, Guayas, Esmeraldas, Manabí, Santa Elena, Bolívar, Santo Domingo de los Tsáchilas, Cañar, Azuay markakunapi kay tamya shinallatak El Niño shuktakyay llakichishkamanta kallarichichun mañarka; shinallatak, Mamakamachiypi rikuchishkata katishpa, Finanzas; Agricultura; Producción; Transporte; shinallatak, Salud llamkaywasikunata mutsushka kullkita chayachichun mañachun nirkakuna; ñankunata allichinapi yanapachun shinallatak dengue, malaria unkuykuna harkanapipash paktarichun nirkami.
Chayshinallatak, kay killkapika Finanzas, Agricultura, Transporte, Salud shinallatak Secretario de Gestión de Riesgos tantanakuy pushakta kayachishkami tiyan kay Mamallakta Tantanakuypi ñawirichunkuna, 10 punchakuna ukupi, paykunaka kayshina tamya, yaku untay, allpa suchuriy, ka'kayay shinallatak wañuykuna tiyashkamantapash willankakuna.
Jaminton Intriago, kay yuyarishka killkata arininapak chayachik, ñukanchik llaktapi markakuna imashinalla kawsakushkata, tamya wakllichishkata shinallatak El Niño shuktakyay llakichiymanta harkarinatapahs riksichik shuyukuyurikta rikuchirka, shinallatak Llakta pushakta kay tamya llakikunata chimpapuranapak utkashpa kullkita chayachichunmi kayachirkakuna.
Kay rimanakuypika 20 kamachi killkakkunami rimarirkakuna, paykunaka mutsurishka tiyan nirkami, tarpunata yanapanapaklla mana kana kanchu, ashtawanpash kay llamkaywasikuna tamya llakichishkata chimpapurana imashinalla paktarishkatapash ñawinchinami mutsurin nirkakuna.
EG/pv/cg-k
Ashtawan shuyukuna: