Mamallakta Tantanakuypi tukuy kamachi killkakkunami, 117 ari apushitaywan, Convención sobre Ética del Turismo yuyarinakushka killkata arinirkakuna. Istallakta hayllika llakta riksinata alli pushanapak shinallatak tukuykuna alli munaywan llamkayta paktanapakmi yanapanka.
Kay Relaciones Internacionales Minkarishkami, kay yuyarinakuna killkata riksishpa allichirkakuna, ishkaymanta pakta llaktata riksichinapi, shinallatak llamkaykunata wiñachinapimi yanaparinapak hayllika allikan nishpami riksichirkakuna.
26 niki killkakkunatami kay yuyarinakushka killkaka charin, kaypika llakta pushakkunami karu llaktamanta chayamuk ayllukuna llaktata riksikukpi ayllukunata shinallatak charishkakunatapash ukllanka nin, shinallatak llaktata riksichishpa llamkakunapash rikurankami, paykunami pachamama ama wakllirichunpash chaparanka, kayshina llaktapi kawsayta charishpa katinapak.
Jonathan Parra, kay Relaciones Internacionales Minkarishkata pushak shinallatak killkata riksichikpash, llakta riksichina llamkaymi kunanpika kullkillamkay sinchiyachinapi ashtawan pakta kan. "Naciones Unidas tantanakuy riksichishka yupaykunapika chunka ayllukunamanmi llamkayta karan", nirkami.
Ashtawanka, kay 2023 watami Ecuador llaktapi llaktata riksichishpa llamkakkunaka 513 llamkayta wiñachirka. "Kay yuyarinakushka killkawanka, llaktami paykunapak llamkana hayñikunata shinallatak kayshina llamkaykunapi paktariktapash riksirin", nirkami.
Kay rimanakuypika pusak kamachiy killkakkunami rimarirka, paykunaka kay yuyarinakushka killkawanka Ecuador llaktami alli llaktaykunata allichinka nirkami, kay suyu llaktakunapak hayñita sumaychachun shinallata wiñaymanta pachamamapi riksinapak charishkatapash ukllachun.
Puchukaypika, llakta riksichina llamkaymi Llakta Wiñarinapak 2023 watapi llamkanapak kallaripi churashka kan, kayshinawanmi kullkillamkayta wiñachinapak, charishkata pakta tukuchinapak shinallatak pachamamawan pakta alli alli chayarishpa chaypikankapak yanapanka.
CV/pv/cg-k
Ashtawan Shuyukuna:
