Tukuy chaypikak 113 kamachi killkakkuna ari apushitaywanmi, Mamallakta Tantanakuyka Educación Minkarishkapi yuyarinakunapak chayachishka killkata arinirkakuna, kaypika kari warmi wawakuna, wamrakunata kikinkaypi wakllichishka rikurishkata ñawinchichun, shinallatak 90 punchakuna ukupi imalla paktashkata achikyachishpa shuk llamkaywillaypi riksichichun shinallatak imalla ruranatapash yachakchayachichun.
Rimanakuypika, Gissela Garzón kamachi killkak, kay yuyarinakushka killkata riksichikka yachawa wasikunapi llakikuna mirashka rikurishkatami yuyachirka, shinallatak kari warmi wawakunata, wamrakunatapash llakichiykunata rimarka, chaymantami kayshina ancha llakita chimpapurana mutsurin
Zolanda Plúas kamachi killkakka kay Educación Minkarishkamantaka 15 mañashkatami chayachishka shinallatak ñawirinapak tawka mañayta chayachishkanchik, llakichiykunamanta rikuchik. Adriana García runaka kari warmi wawakunata ukllanami mutsurin, paykunami ancha wakllirinalla kankuna, nirkami.
Dallyana Passailaigue runaka Comisión Ocasional Aampetra llamkashkatami yuyachirka, paykunaka kari warmi wawakunata shinallatak wamrakunatapash kikinkaypi wakllichishka tawka tiyashkashkatami riksik chayarkakuna, tukuymantaka 4% patsakllami wanachinapak chayashka. Cecilia Baltazar nirkami llaktapak llamkaywasipurami rikurana kan shinallatak llamkanapak kullkitapash chayachina nirka, kayshina hayñikunata paktachina ukupi rikushpa, nirkami. Pierina Correa runaka kay Niñez Minkarishka ukupipash tawka huchachiykunatami chaskishkanchik, chaymantami Educación Minkarishkaman tukuy willaykunata chayachishun, nirkami.
Kay ruraykunapakka, Educación Minkarishkami tukuy llaktapak llamkana wasikuna kari warmi wawakunata wamrakunata ukllana shinallatak pakta kanata rikuna, chaparana charishkamanta tukuy willaykunata mañanka.
Shinallatak, Educación llamkaywasi, Mujer y Derechos Humanos tantanakuy; Salud; Inclusión Económica y Social; del Interior; del Deporte; shinallatak, Cultura y Patrimonio llamkay wasi pushakkunata; ashtawanka Defensoría del Pueblo; Consejo de Igualdad Intergeneracional; Consejo de la Judicatura; Fiscalía General del Estado; Defensoría Pública pushakkunata; shuktak llamkaywasi pushakkunata, kari warmi wawakuna, wamrakuna kikinkaypi llakichishkamanta ima ruraykunawan paktashkata ñawirichun kayachinka.
Kay “Intermedio Violencia Sexual Infantil en Ecuador” shutiyuk llamkaywillay Defensoría del Pueblo tantanakuy kulla killa 2018 wata shinallatak raymi killa 2023 watakunapi, 52.051 kikinkaypi llakichishka nishka huchachiykunatami chashkishka shinallatak 2.161 mañashkallami wanachiyman chayashka, tukuymanta rikukpika 4.15% patsaklla.
AM/pv/cg-k
Ashtawan Shuyukuna:
