Mamallakta Tantanakuy, Contraloría General del Estado shinallatak Ministerio de Salud llamkaywasikunami kay kulla 25 puncha ayriwa killa, Megasimulacro Multiamenazas rurayta paktachinka, kaypika ruraykunawanka llamkaywasikuna imashina kutichinata taripanapak, yachachinapak shinallatak pachamama, kanchamanta shamushka llakikunata chimpapuranapak.
Kay ruraykunaka Escolta Legislativa tantanakuy yanapashka, pushashka shinallatak taripashkatami chaskinka, shinallatak Policía Nacional tantanakuy shinallatak shuktak wankurikunapash, llakikunata ñawpashpa riksinapak, yanapanapak, kay ECU 911, Agencia Metropolitana de Tránsito, Secretaría de Gestión de Riesgos y Cuerpo de Bomberos tantanakuykuna makipurashpami yanapankakuna.
Kay Megasimulacro paktachunka, Agencia Metropolitana de tránsito (AMT) Mamallakta Tantanakuypak shinallatak Contraloría General del Estado tantanakuypak kuchulla ñankunata wichkanka. Ñankunaka kaykunami wichkashka kanka: 6 de Diciembre y Tarqui, Juan Montalvo y Yaguachi, Juan Montalvo y Gran Colombia, Gran Colombia y Piedrahita, Gran Colombia y Hermanos Pazmiño, Luis Saá y Luis Sodiro, Luis Sodiro y Hermanos Pazmiño; y, Luis Felipe Borja shinallatak Clemente Ponce ñankunapash.
Kay kuchulla ñankunaka, ishkayniki muyukta chaparay, Policía Nacional tantanakuymi yanapanka, chapanka shinallatak llaktayukkuna ukllankapash, shinallatak muyukta shukniki chaparaypika Escolta Legislativa chapakkunami rikuranka.
Ashtawanka, kamachi killkakkuna, kamachi awllikuna shinallatak chayak ayllukunapash rikurinapak kimsa pampapimi chayankakuna, kay pampakunaka Luis Saá, Hermanos Pazmiño y 6 de Diciembre, mientras que para el personal de Contraloría está en la Piedrahita shinallatak Clemente Ponce ñankunapi.
PV/cg-k
