Mamallakta Tantanakuyta pushak Gabriela Rivadeneira kayashka, kaya 09:30 sayllata, 284 yupay tantaripi, martes 8 de julio de 2014 kaya wanra, 8 puncha, sitwa killa, 2014 watapi warmi kamachiy killkakkuna tantarinka, kay tantaripika Código Orgánico Monetario y Financiero kamachiyta atinakunka, kay kamachiytaka Utkachik, ñalla arinichun kachashkami kan.
Kaypakka Régimen Económico, Tributario, su Regulación y Control minkashkata pushak, Oswaldo Larriva willashpa kacharka, manarak kachashpami, Quito, Guayaquil, Cuenca llaktakunapi rimanakuyta charinka, tawkasami kapuchikkunawan, kullkiyuk wasiwan, kamak llankak wasikunawan, shuktak tantarikunawanpashmi rimanakurka, Hatun Kamachikkunapash kaypimi karka.
Kay mushuk kamachiyka, kunanpi tiyak kamachiyta mushukyachina, nikinatami mashkan, chaywan kullki mañayman tukuykuna yaykurichun, runakuna hapichun, pachamamata ama wakllichichun. Kay Mamakamachiypi wiñachishka tiyak kamaywasi tukuchun pushanka.
Kanchis nikitami mushukyachina nin, shuklla kullki nikinata, kullkiyachinatami churanka, rikurayaymanta rakirinka. Shinami Mamallakta kullki llaktayta tarishpa kutintak pushanka. Tukuy Mamallaktapi kullkillikata allichinka, paypak mañaymashkay wallpata, achka kullki tiyachun, kullki tukurita, mañachinata rikunka, shinallatak Mamallakta kullkita rikuchunpash ushachinka, kaywan kullki llika llakikunata allichinka. Kullkita mañachik, mana mañachik wasikunapak llankayta nikichinka, kullkipak chanita, shukpaklla kamak wasikunatapash allichinka.
Kay muchuk kamachiyka hatun churashkakunapak, yallichinallapak, anchuchinapak yapa, 500 yalli nikikunatami charin.
Virgilio Hernández kamachikpak yuyaypi, Régimen Económico rimayta charik, dólar kullki kullkiyay llikapash sinchiyachun yanapan, shinallatak kullki mañachik wasikuna, tukuyta yanapak kullki llikata nikin.
Mamallakta Tantanakuypi llankaymi kay kamachiyta mushukyachina kan, kallarik mushukyayka Virgilio Hernández, nishkashina vocal de la Comisión del Régimen Económico makipimi kan nirka; kunanka kullkiyay, mañachinata, rantinchinata, kamana, chanina llaktayta wallpana, nikina ninkunami, shinapash imashina kamachiyta allichinaka Mamallakta Tantanakuymi kanka.
Kamachikkunata wanachina kamachiypimi churashka kana, mana kipa uchi kamachiypi kanachu kan. Rikuk kamachikkunata wanachinami tiyarin, yallikpika pakallami sakirik karka.
Shinami Mamallakta Tantanakuypi atinakunapi tiyarin nishpa Virgilio Hernández rikuchirka, tawka yanapak kullkipi paypak kullkita churakkunata kamashpa yanapankapami kan, tukuy mayhanlla kullkita churashpa charikkunata yanapanka nishpa tukuchirka.
EG/pv/jc-kichwa
