Mamallakta Tantanakuy Grupo Parlamentario de Promoción, Difusión y Fortalecimiento de las Prácticas Deportivas tantarita charin.
Tawka llaktay tantarimanta shamuk kamachiy killkakkuna wallparishkami kan, paykunamanta achkami pukllakkuna rikurin.
Paykunaka pukllayta sinchiyachinami kan ninkunami, pukllayata, allikawsayta yanapana yuyaytami charin. Kay tantaritaka Sebastián Palacios Muñoz, Carlos Vera Rodríguez kamachiy killkakkunami pushanka, kallarika kimirichik, kipaka killkakamayuk tukushka.
Kay Tantarita pushankapa Sebastián Palacios, Carlos Vera, María Mercedes Cuesta, Dallyana Passailague, Ana Galarza, Tanlly Vera, Manuel Ochoa, Jorge Corozo, Jorge Yunda, Héctor Muñoz, Guillermo Celi kamachiy killkakkuna yaykurin.
Chay Palacios, Mamallaktapi, apya-yalapak bici cross pukllaypi kak, kay mushuk llaktayka allimi kan nirka. Pukllayka runakunatami achkata wiñachin, yachachin, chaymantami Ecuador llaktapi Mamallakta Tantanakuymanta yanapak tantari tiyachun, achkata yanapakun allimi kan nirka.
“Mushuk pukllay yuyayta pukuchinkapa achkatami llankana kanchik, chayka wallpak, alli runa kachun, runakunata yanapachun, kiti ayllullaktakunapi wawakunawan, pukllanata munak runakuna yaykuchichun yanapanka ”, rimarka.
Shinallatak Dallyana Passailague kamachiy killkakpak, Mamallaktapi motovelocidad kipaniki hatun pukllak sakirka, pukllaykunata yanapachun allimi Mamallakta Tantanakuypi kamachiy killkakkuna tantarishka rikurin, Ecuador llaktapi kawsak runakunatapash allita yanapachun, chay alcoholismo, drogadicción, violencia llakikunata harkankapa allimi kan.
Shinallatak Manuel Ochoa kamachiy killkak, chay Comisión de Salud tantariman yaykurishka sakirin, payka Mamallaktapi Kallpak riksishka, Istallaktakunapi riksishka kan, payka pukllaywan allikawsayta charina nirka, kay rurayta yanapana nirka. “Alli kawsayka mana punchanta kawsaypak kanchu, mana alli kashpaka mana allichu kanchik”, rikuchirka.
RSA/pv/jc-kichwa
