Kay Consejo de Administración Legislativa (CAL) wankuripak shukniki rimanakuypimi, llaktay ñawinchiy kallarinapak ishkay mashkata riksirkakuna. Shukka Energía llamkaywasita ñawpa pushak, Fernando Santos Alvite shinalaltak kayshuk mañayka Interior Llamkaywasita ñawpa pushak, Juan Zapata, runakunata llaktay ñawinchiyman kayachishkata riksirkakuna, mañaytaka Nivole Saca shinallatak Carlos Vera Mora kamachik killkakunami chayachirka.
Kay Orgánica de la Función Legislativa kamachiypak 61 niki killkapi rikuchishkata paktashpa, Seguridad Integral Minkarishkamanmi Orgánica de Gestión Integral de Riesgo de Desastres kamachiy rurana killka kutin chayarka, paykunami Mamallakta Tantanakuypak ishkayniki rimanakuypi tantachishka yuyaykunata allichinka.
Tawka wankurikunamanta shutikunawan, kari warmi chayanata rikurashpa shinallatak tukuy kamachi killkakuna arinishkawanmi, Mamallakta Tantanakuyka Comité de Ética Minkarishkata wiñachirka.
Kay Consejo de la Judicatura Tantanakuyta pushak, Wilman Terán, Mamallakta Tantanakuyman chayamushpa, Henry Kronfle, Mamallakta Tantanakuyta pushakman, kay Ecuador llaktapi kamayta shinchiyachinapak shinallatak llakichiyta chimpapuranapak tawka kamachiykunata mushukyachinapak yuyaykunata chayachirka.
71 ari apushitaywanmi, Alexandra Castillo Campoverde, Pichincha markamanta akllarishka kamachi killkak, Construye wankurimanta shutita chayachikpi kay Consejo de Administración Legislativa (CAL) wankuripak kimsaniki rimarik kay aymuray killa 2025 watakama llamkanapak akllarirka.
Ikayta shinallatak ukllaytapash ayllukunapak, tantanakuykunapak, pachamamapakpash kay Sistema Nacional Descentralizado de Gestión del Riesgo de Desastres paktarishkawan imalla llakikuna tiyakpi sumaychankapak; shinallatak mitakunata, ruraykunata, hillaykunata paktarikunatapash tantachinapak makipurachinkapak kayshina llakikuna rikurishkata ñawpankapak, harkankapak, anchurinkapakpash, kaykunpi pakta yanapanapakmi kay Orgánica de Gestión Integral del Riesgo de Desastres kamachiyta mashkakun, Mamallakta Tantanakuymi ishkayniki rimanakuypi riksirka.
Kay Orgánica de la Función Legislativa kamachiypak 12 yupay, 9 niki killkapi rikuchishkata paktashpa, Mamallakta Tantanakuyta pushak, Henry Kronfle Kozhaya, kamachi killkakmi Xavier Mauricio Torres runata Contralor General del Estado llamkaypi kallarichirka.
Mamallakta Tantanakuyta pushak, Henry Kronfle Kozhaya, kay Orgánica de la Función Legislativa (LOFL) kamachiypak 12 niki, 3 yupay killkapi rikuchishkata katishpami, tukuy kamachi killkakkunata kay 873 niki rimanakuyta kutin kallarinkapak kay 29 puncha, sasi killa, 09h30 pacha tutamantapak kayachirka, kaypimi Comité de Ética minkarishkapi llamkakkunata shutichinka.
Llamkayñata allichina arininami yachak minkarishkakuna kay shamuk hunkaypi llamkanapak churashka tiyakun, kay paktarinakunaka Comisiones Especializadas Permanentes y Ocasionales minarishkakunapak uchilla kamachiypi rikuchishkata paktarishpa.
Rimanakuy llamkaypika Contralor del Estado pushakta llamkaypi kallarichinami churashka, shinallatak llakikunata chimpapuranapak shinallatak kari warmi llamkaykullkita rurana ishkay kamachiytami arininkakuna.