Mamallakta Tantanakuy, Viviana Veloz Ramírez pushak, kay chillay 9 puncha wayru kulla, hatun rimanakuypi, Guayaquil llaktata sumaycharka, 204 watakuna kishpirishka paktashkamanta, kay atiriypimi Ecuador llakta kishpirinapak purina kallarirka, llaktayukkunawan kay hatun rimanakuyka Universidad Tecnológica Empresarial de Guayaquil (UTEG) sumak yachana wasipak ukupimi paktarirka.
Kay rimanakuymanka, Consejo de Administración Legislativa wankuriypi llamkakkuna; tawka wankurimanta kamachi killkakkuna; llaktamanta, markakunamanta shinallatak kitimanta pushakkuna, shinallatak Cuerpo Consular; Fuerzas Armadas, Policía, Bomberos tantanakuykunapashmi chayamurkakuna, rimanakuyka Mamallaktapak wiphala yaykushkawan kallarirka, chay kipaka Invidentes wawakuna "Notas de Luz" takishkawan kallarirka, paykunami Ecuador mamallaktapak hayllita takirkakuna.
Chay kipaka, Magno Marriott, kay Academia de Historia wankurimanta, 9 puncha wayru killa 1820 watapi paktashkatami riksichirka. Yupachishka nirkami kay sitwa, kuski killa chay wataka, kitipi tawka ayllukunami España llakta pushakta chimpapuranapak tantanakurka, shinami Guayaquil llakta kishpirinapak kallarichirkakuna. Kay 9 puncha Wayru killa pakarinapakka, kay llakta kispirinapak munashkata paktashka kipaka, jefe Político pushanapakka José Juaquín de Olmedo runata akllarkakuna shinami Perla del Pacífico kishpiriyka paktarka.
Nirkapashmi kayshina rikuriykunaka Guayaquil llakta kishpirishka rimaykillkapilla mana sakirirkachu, ashtawanpash shuk yachakukkuna tantanakuytami wiñachirka kay llakta kamachi killkakkunata akllanapak. "Rikukpika shuk llaktami wiñarirka, Guayaquil kishpirishka llakta, kikin kawsayta charik, sumaychak, llaktayuk chaypikanayak llakta, shinami 1822 watakama kawsarka, chaymantami Ecuador llaktapi llaktayuk chaypikana wacharishkaka Guayaquil kitipi kallarirka", nirkami.
Kipaka, chayman chayakkunami kay punchapi wiñaykawsaymanta willashkata rikurkakuna. Kipaka, "Notas de Luz" wankurishkakunami takirkakuna, Soy diferente, Puedo ver mas alla, shinallatak Guayaquil de mis amores shuti takikunata
Sukta nikipika, Mamallakta Tantanakuyta pushakmi, Guayas marka kamachi killkakkunawan, llakta ayllukunaman, kawsaytarpikkunaman, kullkillamkakkunaman “Vicente Rocafuerte” shinallatak “Matilde Hidalgo de Prócel” unanchata, Guayaquil llakta 15 llamkawsikunaman shinalaltak ayllukunamanpash chayachirka.
Unanchay chaskikkunapak shutipi, Blanca López, Guayaquil kiti kipapushak, Mamallakta Tantanakuyta unancha chayachishkamanta shinallatak Kiti pushakwan kay 9 puncha wayru killa 1820 wata yuyarina punchapi kashkamanta yupaycharka. Nirkami kay 1820 watapi shina llakikinata allichinapak atirishpa katishunmi nirka.
Chayakama, rimarishpaka, Mamallakta Tantanakuyta pushak, Viviana Veloz, Guayaquil llakta kari warmi ayllukuna sinchi llamkak kashkata riksichishka kipa, Guayaquil llakta Mamallaktata charinapak pakta yanapashkamanta rimarka. Shinallatak, llamkaywan paktanata shinallatak tukuy Mamallakta Tantanakuy kamachiy rurashpa yanapapak llamkanatami rimarka, kayshina Guayaquil llakta shinallatak tukuy mamallaktapipash kasiklla kawsanapak hillaykunata chayachishun nirkami.
Shuk kutinwan, Mamallakta Tantanakuyta pushakka shamuk pachapi kawsanapak llaktata wiñachinaman kayachirka, allikana munayka paktami tiyanka, millachiyka anchirinkami nirka. "Guayaquil llaktaka mamallakta wiñayta kawsanatami yuyachin, Guayaquil llaktaka wiñaypak llaktami kan", nirkami.
Rimanakuy wikachinapika, Notas de Luz takikkunami Santiago de Guayaquil hayllita tarkirkakuna; shinallatak, puchukaypika, Mamallaktapak wiphala llukshirka, kipaka, pushakkuna, kayachishka ayllukunapash llukshirka.
EG/am/cg-k
ashtawan shuyukuna:
