Mamallakta Tantanakuy llaktaman chayarka, El Sol kuska Turubamba kitilli, Quito kullasuyupi, Mamallakta Tantanakuyta pushak, Viviana Veloz kamachi killkakka, Kamachi Awllipi kay yallik hunkaypi llamkashkatami riksichirka.
Mamallaktapak shukniki llamkaywasi willaypika kullkimanta utkashpa runanapak chayachishka Ley Orgánica para Impulsar la Iniciativa Privada en la Transición a Energías Renovables kamachiy, Desarrollo Económico Minkarishkapi kallaripi churashkanchik, nirkami.
Llakta pushak chayachishka kamachiyka hatun llamkaywasikunaman zirmata katunapak chanimantami rikuna charin, llamkaywasi tukuchishka zirmaka 250 wasi ayllukuna tukuchishka paktami kan, nirkami.
Chaymantami, kari warmi kamachi killkakta, paykuna paktarina ukupi, paykunapak llamkaywanka kay llaktapi zirma illaypi yanapanapak ruraykunawan paktarinaman kayachirka, shinami Ecuador llaktapak kullkillamkaymanta shinallatak wasi ayllukuna kawsanapipash yanapanka.
Shinallatak, Corporaciones Productivas del Litoral (Concarplat) tantanakuy pushakkunawan rimanakuypi paktashkatami riksichirka, kaypika Manabí, Esmeraldas markaman chayanata yuyaypaktarinkapak, kayshina imalla mutsushka shinallatak llakikuna tiyashkatapash riksinkapak.
"Llaktaman chayashpaka runa llaktapi tarpukkuna mutsushkata chayashpatak riksishpa, yanapayta kamachiykunata mushukyachishpa chayachinkapak, wakin kamachiykunaka Soberanía Alimentaria Minkarishkapi allichirikun", nirkami.
Ashtawanka, Mamallakta Tantanakuypi tukuy kamachi killkakkuna Sevilla Don Bosco kiti, Morona Santiago markapi arinishkata riksichirka. "Shinami, Mamallakta Tantanakuy, Hatun rimanakupi wiñaymanta mañakushkata arinirka shinallatak kay Ecuador sumak suyullakta ayllukuna mañashkata kutichirkanchik", nirkami.
Kay rimanakuypillatak, utkashpa rurana yuyaykunata riksirkakuna kay Ley Orgánica para Prevenir y Erradicar la Malnutrición Infantil kamachiy ruranapak llamkaywillay shukniki rimanakuyta riksishkata shinallatak Ecuador llakta ayllukuna wakchayashkata shinallatak zirma illashkatapash rikunkakuna.
Kay hunkaypi llamkanapak churashkapika, Código de la Democracia kamachiy mushukyachinatami rikunkakuna, kaypika llaktay paktarinapi kari warmi kashkamanta wakllichiyta ashayachinapak, kay kamachiy rurana killkataka ONU Mujeres yachakkunawa, riksishkawanmi allichishka karka. Shinallatak, Orgánica de Fomento, Apoyo y Protección a la Lactancia Materna kamachiy ruranatapak killkatapash riksinkakuna.
CV/am/cg-k
