Mamallakta Tantanakuypak wasi ukupimi "Kamachiy Awllipak Hunkay" paktarirka, kayshinami Mamallakta Tantanakuyta pushak, Viviana Veloz kamachi awllika kamachiy awllipi llamkashkata shinallatak shamuk hunkaypi paktarinatapash riksichirka.
Kaykunapi, Mamallakta Tantanakuy llamkankami, Ley Orgánica para Impulsar la Iniciativa Privada en la Transición a Energías Renovables kamachi rurana killkata ishkayniki rimanakuypi riksinka, shukniki rimanakuyka 20 inti puncha wayru killami paktarirka.
Shinallatak, Mamallakta Tantanakuyka Mamakamachiypak 5 niki killkata mushukyachinapak mañashkata riksinka, kaypika mamallaktapi istallakta awkakuna tiyarinamanta riman, shinaka, "mamakamachiypak 442 niki killkawan shinallatak Ley Orgánica de la Función Legislativa kamachiypak 73 niki killkawan paktarishpami, ashapaklla minkarishakta tukuy wankurimanta kamachi killkakkunawan kay kamachiy ruranata rikuchun wiñachinka".
Willarkapashmi Mamallakta Tantanakuypak shukniki kipapushakta akllana rimanakuywan katishun nirka. "Kay rimanakuyka tukuy llaktay wankurikuna tantarichunmi yanapan kayshina Ecuador llaktayuk mutsushkata kutichinapak. Wankurikunami paykunamanta akllashkata chayachinka shinallatak Mamallakta Tantanakuymi akllanka". nirkami..
Kay awaki 14 puncha shinallatak inti 20 puncha llamkashkapika, rikurinmi, Mamallakta Tantanakuyka Turubamba kapakllakta kuska ayllukuna rimashkata uyarka, shinallatak COOTAD kamachiy mushukyachinaka kay shamuk sasi killapi puchukanapimi rikurinka , kayshina kawsakuk allpakuna charinata allichinkapak, nirkami.
Rikuchirkapashmi, chillay 16 puncha wayru killa, Mamallakta Tantanakuyka Santo Domingo llakta wamrakuna llaktayukkunapash ancha mañashkatami kutichirka, Educación minkarishkapo kay Ley para la Creación de la Universidad Pública de Santo Domingo de los Tsáchilas kamachiy rurana killkata chaskishpa.
"Hampinapi kanchamanta yanapak, díálisis hampik wasikuna, Solca shinallatak shuktakkunapash rimanakurkanchik, paykuna llamkashkamanta Mamallakta chanishkata manarak chayachinchik",
Chaymantami, Mamallakta Tantanakuyta, kay Defensoría del Pueblo shinallatak yanapak llamkaywakunata Llakta pushakwan rimarinapak chakata ruranapak kayachirka, makipurashpa unkushka ayllukuna hampinapi ama kipayachun ashtawanpash pakta yanapayta chaskichun nirkami.
Kay rimanakuypillatak, kay Ley Orgánica de Cuidados Paliativos kamachiy rurana killka arinishkata willarka, kay kamachiyka tukuypi hampirinata yanapan shinallatak ancha unkushkakuna, mana alliyanalla ayllukunatami yanapan, nirka.
Kay rimanakuyta puchukashpaka, pushakka kutinpashmi nirkami Mamallakta Tantanakuyta pushakuypika kari warmi llaktayukkuna kuchuyashpa rimanakunapak ṕunkuka pashkashkami kan, nirka.
CV/am
Ashtawan shuyukuna:
