Kunanpi pushakuk Viviana Veloz kamachi killkak, kamachiy awllipi tukuy pushakkunawa shinallatak kamachi killkakkunawanpash, mushuk kamachi killkakkuna kunanlla akllarishkamanta shamuk pachakunapi llamkay kallarichun allichiyta ñawpakman katikun, kashnami Alejandro Muñoz kamachi killkak, willarka.
Kallaripika, zirma killkapimi, kamachi killkakkunaman tukuy willayta shinallakta rimanakuyman kayachiytapash chayachirka. Chaymantami, kay awkarik 29 puncha shinallatak chillay 30 puncha ayriwa killa, Mamallakta Tantanakuyka 151 kamachi killkakkuna kay 14 puncha aymuray killa 2025 watamanta llamkay kallarikman yachachiyta chayachinka.
Chaypakka, yachachiy paktanapak churashkapika kamachiymanta rimaykunami tiyan, ruraykunapi pushaykunapipash paktanapak. Kay awkarik puncha llamkaypika 164 ayllukunami chayamurka, kaypika kamachi killkakkuna shinallatak yanapakkunapash, paykunamanka rimanakuykunaman chayakpi imashina paktarinata; kamachiy awlli llamkanata; kamachiy ryuranapak ñawinchiynapak paktarinata; ruranatakkunata; shinallatak kay Unidad de Análisis Financiero y Económico (UAFE) tantanakuypi paktarinatami riksichirkakuna.
Kunan chillay punchaka, llamkaykunaman kimirinapak, iñishpa willay paktanata shinallatak chaparana paktanata, llamkay kallariy rimanakuyman chayanata, willaykuna katinata, llika kamachiy shinalaltak kamachi awlli llikapi llamkanatami kay Adempiere llikapi imashina paktarishkata riksichinka.
Killkapankakunata chaskina shinallatak maki yupita hapina
Kay 5 puncha aymuray killamanta, Mamallakta Tantanakuyka kay mushuk kamachi killkakuna llamkay kallarinapak ñawpa tukuy mutsushka pankakunata chaskiy kallarin. Ashtawanka, apushitanapak llikapi maki yupita hapinka shinallatak iñik pankta, llikamana yaykunapak iñiytapash chayachinka.
Mutsurishka killka pankataka kamachi killkakkunapak markata katishpami chaskinka, chaskinapak pachakunapika, kay awaki 5 puncha aymuray killaka, tukuy mutsushka pankakunataka Azuay, Cañar, Carchi, Galápagos, Imbabura, Loja, Los Ríos, Manabí, Santa Elena markamantami chayachinkakuna.
Kay kullka 8 puncha aymuray killaka, Bolívar, El Oro, Esmeraldas, Guayas, Morona Santiago, Napo, Orellana, Pastaza, Sucumbíos, Zamora Chinchipe markamanta kamachi killkakkunatami chaskinka.
Shinallatak, Chimborazo, Cotopaxi, Pichincha, Santo Domingo de los Tsáchilas, Tungurahua markamanta shinallatak llaktamanta, istallaktamanta kamachi killkakkunata chaska 9 puncha aymuray killami chaskinka.
Puchukaypika, kay wacha 10 puncha aymuray killapika, Pichincha markamanta shinallatak llaktamanta, istallaktamanta akllashka kamachi killkakkunatami chaskinka.
Llamkay kallarinapak
Kimichishpaka, llamkay kallarichinapak raymipak, kunanpi pushakukkunaka tukuy llakta pushakkunawan, Cancillería pushakkunawan, ECU 911 pushakkunawan, Fuerzas Armadas, Policía Nacional, Riesgos, Secom, Municipio de Quito, Ministerio de Salud pushakkunawanmi tawka tantanakuyta charishkakuna, kaypika kay 24 puncha aymuray killa llamkaypi kallarichina raymi imashina paktanamanta rimanakunkapak.
