Kay Consejo de Administración Legislativa (CAL) wankuriy, Niels Olsen pushakushka, kay Ley Orgánica de Innovación y Fortalecimiento de la Gestión Pública kamachiy rurana killkata, Ecuador llakta pushak, Daniel Noboa Azín, Ecuador llakta pushakuk, kullkimanta utkashpa ruranapak nishpa, kay 27 puncha aymuray killa 2025 wata chayachishka.
Yuyarinakuymanka kay Unidad de Técnica Legislativa (UTL) tantanakuypak llamkaywillayta rikushka kipami tukuykuna arinirka, paykunami mamakamachiy shinallatak kamachiykunapash rikuchishkata paktashka nishpa akllarka shinallatak llamkay kallarichun arinirkakuna.
Kay Desarrollo Económico Minkarishkami tukuyta rikushpa 10 punchakuna ukupi allichinka, Mamallakta Tantanakuypi shukniki llamkaywillayta riksichun. Kay Ley Orgánica de la Función Legislativa (LOFL) kamachiypak 59 niki killka rikuchishkata katishpa, minkarishkakunaka pichka punchatami llaktayukkunapash yuyaykunata shinallatak rikuchiykunatapash chayachichun kayachinka.
Kamachiy ruranapak shuktak killkatapash akllarka
Kay rimanakuypillatak, CAL tantanakuyka transporte terrestre shinallatak prevención del dopaje en el deporte rikuna charik kamachiy rurana killkatami akllarkakuna. Kay killkataka yachak minkarishkakunamanmi allichichun chayachinka, yuyaykuna paktarinata rikurashpa.
Ronal Gonzáles kamachi killkakta huchachishkata riksina.
Kay CAL wankuriyka Diana Jácome kamachiy killkak Ronal González kamachi killkakta huchachishpa mañay chayachishkata riksishpa akllarkakuna. Kay huchachik, González kamachi killkakka Mamallakta Tantanakuy wasi ukutami shuk rimay mirachik antawan paypak mashi kamachi killkakunata wakllichiy rimaywan kayachishpa purishkamanta, nin.
Huchachiypika LOFL kamachiypak 171 niki, 3, 5 yupay killkapi rikuchishkatami wakllichin, kaypika ancha llakichiy tiyakpi wanachina kan nishpa rikuchin nin. CAL wankuriyka, Killkakamayuktami, Gonzáles kamachi killkakman, kimsa punchakuna ukupi, huchachishkata kutichichun, willayta chayachichun mañashka.
CV/cg-k
