Mamallakta Tantanakuypi, shukniki kipapushak, Mishel Mancheno pushakuywan, kay chaska 30 puncha aymuray killa, chaypi kak kamachiykunapak 138 ari apushitaywan, Comisiones Especializadas Permanentes y Ocasionales Minkarishkakunapi shukniki ishkayniki llamkaywillayta allichinapak pachakuna yallishka kakpi kay 2025-2029 watakunapak mushuk llamkay kallarishkamanta pachakuna mirachinata arinirka, shinaka sukta chunka (60) punchakunatami, kay yuyarinakushka killka llukshishkamanta yupashpa mirachinka.
Shinallatak, Comisiones Especializadas Permanentes y Ocasionales Minkarishkapi paktarina pachakuna, kay mushuk llamkaypi yallishkak kakpika, chunka (10) punchakunatami mirachinka, kay yuyarinakushka killka riksichishka punchamanta yupashpa.
Kay killka yuyarinakushkapika Ley Orgánica de la Función Legislativa kamachiypi shinalaltak yachak minkarishkakunapak ukun kamachiypi rikuchishka pachakuna paktarishkami kan shinallatak Ecuador llaktapak mamakamachiypi shinallatak shuktak kamachiykunapipash rikuchishka pachakunata mana yallinkachu.
Ferdinan Álvarez kamachi killkak, kay yuyarinakushka killkata chayachik, kay yuyarinakushka killkapika yachak minkarishkakunapak llamkayka kamay paktachun mutsurishkami kan, ashtawanka shukniki shinallatak ishkayniki rimanakuypak llamkaywillayta allichinamanta, kay Mamallakta Tantanakuyka kunanlla 14 puncha aymuray killapi llamkay kallarirka shinallatak tawpa paktariykunaka kay mushuk tantanakuy llamkay kallarinapak punchakuna ñawpa nakashpaka llamkay kallarishka kipami pachakuna puchukarka.
Kayshina yuyarinakushka killkataka Coordinación de Asesoría Jurídica wankuriymi chayachirka pachakunata rikuranapak shinalaltka ruraykuna paktanapak ashtawankarin kamachiy ruraykuna yachak wiñaypak minkarishka ukupi llamkankapak, kay 2025-2029 watapak llamkay kallarishkamanta.
EG/cg-k
